Fura z chaładzilnikami całkam vyharała na trasie ŭ Astravieckim rajonie. Pra heta paviedamiła pres-sakratar Hrodzienskaha abłasnoha ŭpraŭleńnia MNS Natalla Žyvaleŭskaja.
Rasijskaja fura Iveco, jakaja naležyć kalininhradskaj firmie, je'ała z Kalininhrada ŭ Samaru tranzitam praź Litvu i Biełaruś, na hety raz u jakaści hruzu pieravoziła bytavyja chaładzilniki.
Zdareńnie adbyłosia na aŭtadarozie R45 Vilnia — Połack pablizu vioski Kacianovičy Astravieckaha rajona. Pavodle infarmacyi MNS, aŭtapojezd z pryčepam zahareŭsia prosta ŭ ruchu. Paviedamleńnie pra ŭzharańnie ŭ pažarnuju słužbu pastupiła ad inšaha kiroŭcy.
Ratavalniki pa prybyćci vyjavili całkam achopleny połymiem aŭtamabil. Kiroŭca fury 1971 naradžeńnia nie paciarpieŭ, jon zmoh samastojna pakinuć aŭtamabil i znachodziŭsia na biaśpiečnaj adlehłaści ad jaho.
U vyniku pažaru aŭtamabil i hruz źniščany całkam. Pavodle papiaredniaj infarmacyi, fura zaharełasia z-za karotkaha zamykańnia elektrapravodki.
