Radźkoŭ: Biez kansalidacyi, adzinaha lidara ŭ Biełarusi mahła b być vajna
«Kali niama kansalidacyi, niama adzinaha nacyjanalnaha lidara, to, jak pakazvaje situacyja ŭ susiedniaj krainie, moža być vajna», — zajaviŭ staršynia RHA «Biełaja Ruś»Alaksandr Radźkoŭ, vystupajučy 15 listapada ŭ Minsku na pašyranym pasiadžeńni respublikanskaha savieta arhanizacyi.
Pry hetym jon paraiŭ Ukrainie «razabracca sa svaimi prablemami, svajoj terytoryjaj, inakš krainu buduć vykarystoŭvać».
Radźkoŭ adznačyŭ, što «Biełaja Ruś» «pracuje na zhurtavańnie hramadstva dla pabudovy mocnaj i kvitniejučaj Biełarusi». «Kansalidacyja vakoł adzinaha nacyjanalnaha lidara Alaksandra Łukašenki — nieabchodnaja ŭmova pabudovy takoj dziaržavy», — skazaŭ jon.
Radźkoŭ zajaviŭ, što arhanizacyja, bieručy ŭdzieł u majučaj adbycca vybarčaj kampanii pa vybarach prezidenta, budzie damahacca, kab «hramadzianie adčuvali siabie čaścicaj histaryčnaha pracesu». «U ahulnaj spravie ŭładkavańnia krainy važny ščyry ŭdzieł kožnaha hramadzianina, jaki pavinien być vyšejšym za palityčnyja roznahałośsi», — adznačyŭ jon.
Taksama Radźkoŭ ličyć, što palityčnaja sistema Biełarusi dakazała svaju zdatnaść. Pry hetym jon pryvioŭ słovy piśmieńnika Alaksandra Sałžanicyna ab tym, što «mienavita maładaja demakratyja maje patrebu ŭ mocnaj uładzie».
Apytanka
Ciapier čytajuć
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?1
Kamientary