Raspracoŭščyki maštabnaha prajekta «Brest-2019» padrychtavali płan, pa jakim, jak miarkujecca, moža raźvivacca Bresckaja krepaść.
Jaje terytoryju miarkujecca padzialić na try asnoŭnyja častki — muziejnuju, kulturnuju i łandšaftny park.
Raspracoŭščyki prajekta prydumali jak pakazać naviedvalnikam nie tolki fartyfikacyjnyja zbudavańni, ale i siaredniaviečny horad, jaki rasiejskaja administracyja puściła pad znos i na na miescy jakoha ŭ 1830 hodzie pačała budaŭnictva krepaści.
Inicyjatary prajekta vyrašyli, što nie buduć adbudoŭvać makiety chramaŭ, a naładziać ich śvietłavuju rekanstrukcyju.
Heta raspaŭsiudžanaja jeŭrapiejskaja tradycyja — pad kaniec turystyčnaha siezonu naładžvać takija mierapryjemstvy, raspaviała Maryna Zaŭražnaja, mieniedžar pa kamunikacyi prajekta «Brest-2019».
Ubačyć šmat jakija ź nie isnujučych budynkaŭ, manastyry, sinahohu staroha horada možna budzie, naviedaŭšy śvietłavoje 3D-šoŭ.
«Uviečary ludzi buduć prychodzić i bačyć stary horad u vyhladzie śvietłavych makietaŭ», — raspaviała Maryna Zaŭražnaja.
