Juryj Žadobin, fota Siarhieja Hudzilina
Alaksandr Łukašenka vyzvaliŭ hienierał-lejtenanta Juryja Žadobina ad pasady ministra abarony i zvolniŭ jaho z vajskovaj słužby ŭ zapas pa ŭzroście z pravam našeńnia vajskovaj formy adzieńnia i znakaŭ adroźnieńnia.
Jak paviedamili BiełTA ŭ pres-słužbie kiraŭnika dziaržavy, adpaviedny ŭkaz Łukašenka padpisaŭ 25 listapada.
Juryj Žadobin naradziŭsia 14 listapada 1954 h. u Dnieprapiatroŭsku, u 1976-m skončyŭ Kazanskaje vyšejšaje tankavaje kamandnaje vučylišča, u 1985 hodzie — kamandny fakultet Vajennaj akademii braniatankavych vojskaŭ.
U 1999 h. byŭ pryznačany na pasadu namieśnika ministra ŭnutranych spraŭ — kamandujučym unutranymi vojskami. Ź vieraśnia 2003 hoda kiravaŭ Słužbaj biaśpieki prezidenta Respubliki Biełaruś.
17 lipienia 2007 pryznačany staršynioj KDB. 15 lipienia 2008 h. byŭ pryznačany Dziaržaŭnym sakratarom Savieta biaśpieki.
4 śniežnia 2009 h. pryznačany ministram abarony Respubliki Biełaruś.
