Krainy-členy Arhanizacyi krain-eksparcioraŭ nafty (APIEK) pryniali rašeńnie nie skaračać abjomy zdabyčy nafty dziela pavyšeńnia cenaŭ, zajaviŭ ministr naftavaj pramysłovaści Saudaŭskaj Aravii Ali Naimi pa zaviaršeńni narady APIEK u Vienie.
Adrazu paśla hetaha ceny na naftu na mižnarodnych rynkach pačali źnižacca. Naradu ministraŭ enierhietyki dziaržaŭ APIEK praciahvałasia piać hadzin.
Pačynajučy z červienia hetaha hoda ceny na naftu źnizilisia na 30%, i krainy, jakija ŭvachodziać u kartel, razvažali pra toje, jak reahavać na heta.
Na ŭdzielnikaŭ APIEK prychodzicca 40% suśvietnaj zdabyčy «čornaha zołata».
Padzieńnie cenaŭ stała važkaj prablemaj dla tych udzielnikaŭ APIEK, čyje biudžety ŭ značnaj stupieni zaležać ad dachodaŭ z prodažy nafty.
U ciažkaj situacyi znachodziacca Iran, Vieniesueła, Nihieryja, a taksama Rasija, jakaja nie ŭvachodzić u APIEK.
