Rasija nie moža ŭ ciapierašnich umovach praciahvać realizacyju prajekta «Paŭdniovy patok», zajaviŭ prezident krainy Uładzimir Pucin padčas vizitu ŭ Turcyju.
«Z ulikam taho, što my da hetaha času nie atrymali dazvołu Bałharyi, my ličym, što Rasija ŭ hetych umovach nie moža praciahvać realizacyju hetaha prajekta, — skazaŭ Pucin. — Pačać budoŭlu ŭ mory, padyści da bałharskaha bieraha i spynicca — heta prosta niedarečna».
Viartańnia da prajektu hazapravoda «Paŭdniovy patok» nie budzie. Pra heta taksama zajaviŭ u paniadziełak u chodzie vizitu ŭ Turcyju kiraŭnik «Hazproma» Alaksiej Miler.
«Usie, prajekt začynieny», - skazaŭ Miler, adkazvajučy na pytańnie žurnalistaŭ z nahody losu «Paŭdniovaha patoku».
U toj ža čas kiraŭnik «Hazproma» paviedamiŭ, što Maskva i Ankara damovilisia ab budaŭnictvie marskoha hazapravoda prapusknoj zdolnaściu 63 miljardy kubamietraŭ hazu ŭ hod. Pavodle jaho słoŭ, 14 miljardaŭ kubamietraŭ budzie atrymlivać Turcyja, astatniaje budzie dastaŭlacca na miažu Turcyi i Hrecyi. Dla novaha hazapravoda ŭ Turcyju budzie zadziejničana ŭvachodnaja kampresarnaja stancyja «Ruskaja», jakaja budavałasia dla «Paŭdniovaha patoku», adznačyŭ Miler.
«My hatovyja razhledzieć z tureckim bokam pytańnie pa ich ŭvachodžańni, kali budzie prajaŭlena cikavaść. Jurydyčnaja asoba dla realizacyi hetaha prajekta budzie stvorana ŭ Rasijskaj Fiederacyi, to i ŭ ciapierašni čas zasnavalnikam hetaj jurydyčnaj asoby vystupić kampanija «Hazprom», - dadaŭ kiraŭnik «Hazproma».
Miler taksama raspavioŭ, što Rasija zhodnaja źnižać canu na haz dla Turcyi, u pierśpiektyvie paliva budzie pradavacca Ankary pa tym ža košcie, što i Hiermanii.
Marskaja častka hazapravoda «Paŭdniovaha patoku» pavinna była prajści z Rasii pa dnie Čornaha mora da ŭźbiarežža Bałharyi. Sumarnaja mahutnaść hazapravoda pavinna była skłaści 63 miljardy kubamietraŭ.
«Paŭdniovy patok» pavinien byŭ prajści ad čarnamorskaha ŭźbiarežža Bałharyi praz terytoryju Sierbii i Vienhryi ŭ Aŭstryju.
