Premjer-ministr Ukrainy Arsień Jacaniuk paviedamiŭ pra avaryju na Zaparožskaj AES, što mieścicca na poŭdni krainy.
«Viedaju pra incydent, što tam adbyŭsia», — skazaŭ Jacaniuk.
Jon zaklikaŭ novaha ministra enierhietyki Uładzimira Dziamčyšyna pravieści pres-kanfierencyju i raskazać ab tym, što robicca na AES i jakija kroki pryniatyja dla adnaŭleńnia enierhazabieśpiačeńnia ŭ krainie.
Avaryjnaje adklučeńnie zdaryłasia na enierhabłoku №3 — 1000-miehavatnym reaktary. Jaho vychad z ładu pahoršyŭ i biez taho składanuju situacyju ŭ enierhasistemie krainy. Zapusk jaho maje adbycca 5 śniežnia.
Zapasy vuhalu na TEC Charkaŭščyny, Danbasa i Kiravahradskaj abłaściej źnizilisia da čatyrochdzionnych. U bolšaści rehijonaŭ krainy adbyvajucca viejernyja adklučeńni elektryčnaści.
Heta vynik spynieńnia pastavak Rasijaj hazu va Ukrainu i zachopu vuhalnaha basiejnu ŭ Danbasie prarasijskimi bajevikami.
U takich umovach enierhasistema Ukrainy i AES, u pryvatnaści, pracujuć na maksimalnaj zahruzcy.
