U sieradu ŭ Mahiloŭskaj śledčaj turmie №4 maci Artura Fińkieviča ŭdałosia sustrecca z synam. Vyśvietlilisia novyja akaličnaści paślasudovaha žyćcia samaha maładoha palitviaźnia Biełarusi.
Tak, administracyja turmy maje namier u bližejšyja dni pieravieści Fińkieviča ŭ inšuju kamieru sa značna horšymi ŭmovami ŭtrymańnia — u kamieru dla tych, chto čakaje etapavańnia ŭ kałoniju. Jak udałosia vyśvietlić karespandentu «Racyi», z‑za pierapoŭnienaści turmy na 18 naraŭ u takich kamierach pretendujuć da 25 čałaviek.
Akramia taho, administracyja turmy ciśnie na palitviaźnia, kab toj napisaŭ zajavu ab daterminovym nakiravańni jaho ŭ kałoniju. Fińkievič admaŭlajecca što‑niebudź padpisvać dyj maje namier dačakacca rašeńnia apelacyjnaha sudu vyšejšaj instancyi ŭ SIZA. Nahadaju, zhodna z zakanadaŭstvam, asudžany musić čakać rašeńnia jašče 20 dzion.
Pa słovach maci, Artur vielmi schudnieŭ. Vidavočna paśla sudu ŭ jaho abvastrylisia niekatoryja chvaroby.