Vieranika Šnip, Volha Čymbur, Hanna Pučkova, Viera Pučkova. Fota esckaz.com.
Vieranika Šnip hraje na bas-hitary ŭ hurcie «F!B!». 4 śniežnia kamanda pryniała ŭdzieł u pieršym prasłuchoŭvańni ŭdzielnikaŭ adboru na «Jeŭrabačańnie 2015». «F!B!» vykanała anhłamoŭnuju pieśniu «Where Are You From?».
«Nazva hurtu «F!B!» značyć «From Belarus» ci «Female Band». Ale my nie zusim žanočy bend: u nas jość chłopiec, jaki hraje na bubnach, — kaža vakalistka Hanna Pučkova. — Razam my hrajem užo dastatkova praciahły čas. Hod tamu pačali zapisvać albom i vyrašyli, što treba rabić novy prajekt: hučańnie źmianiłasia, my vyjšli na novy ŭzrovień. Pieršuju pieśniu prezientavali 20 kastryčnika. A tut raspačaŭsia i adbor na «Jeŭrabačańnie». Vyrašyli paŭdzielničać, bo zaŭsiody maryli pra hety konkurs. A pieśnia pa sensie akurat pasuje: pra toje, što ŭsie my roznyja, ale kožny pryhožy, jarki».
Čamu vystupili ź pieśniaj pa-anhlijsku?
«Anhlijskaja mova mižnarodnaja, jaje šmat chto razumieje, čamuści lahčej teksty pišucca. Kali pišaš tekst na biełaruskaj movie, heta bolš adkazna. Ale ŭ našym albomie buduć i biełaruskamoŭnyja pieśni».
Vieranika Šnip, dačka viadomych piśmieńnikaŭ Viktara Šnipa i Ludmiły Rubleŭskaj, kaža, što baćki padtrymali jaje žadańnie trapić u šou-biźnies.
«Jany zaŭsiody mianie podtrymlivali i na hety raz adkazali: «A čamu nie? Pasprabujcie, paviesialiciesia», — kaža jana.
5 śniežnia projdzie druhoje prasłuchoŭvańnie ŭdzielnikaŭ adboru na «Jeŭrabačańnie 2015». Siońnia stanuć viadomyja i tyja vykanaŭcy (nie bolš za 15), chto pazmahajecca ŭ finale nacyjanalnaha adboru. A 26 śniežnia projdzie finalny kancert, pa vynikach jakoha žury vyznačyć pieramožcu, jaki ŭ nastupnym hodzie pradstavić Biełaruś na konkursie pieśni ŭ Vienie.
