Fiziki, mahčyma, atrymali sihnał ad ciomnaj materyi
Fiziki Fiederalnaj politechničnaj škoły Łazany ŭ Šviejcaryi paviedamili pra nietypovaje vypramieńvańnie fatonaŭ, jakoje jany znajšli ŭ renthienaŭskich pramianiach. Miarkujecca, što heta moža być sihnał ź ciomnaj materyi. Pra vyniki daśledavańniaŭ raspaviadaje Science Daily.
Hrupa navukoŭcaŭ z Šviejcaryi, Niderłandaŭ i Ukrainy praanalizavali pryniatyja jeŭrapiejskim kaśmičnym teleskopam XMM-Newton renthienaŭskija pramiani z hałaktyk ŭ suzorji Piersieja (Abell 426) i tumannaści Andramiedy.
U pramianiach była vyjaŭlenaja anamalnaja emisija fatonaŭ. Rastłumačyć jaje chibnaściu vymiareńniaŭ ci inšymi faktarami akramia ŭździejańnia ciomnaj materyi nielha, miarkujuć navukoŭcy.
Na ich dumku, takija sihnały źjaŭlajucca pry raspadzie «kandydata na ciomnuju materyju» – hipatetyčnaj čaścinki pad nazvaj sterylnaje niejtryna.
***
Ciomnaja materyja i ciomnaja enierhija źjavilisia praź niemahčymaść patłumačyć uzajemadziejańni hałaktyk u miežach Standartnaj madeli. Mnohaje tłumačać teoryi pa-za miežami Standartnaj madeli, ale paćvierdzić ci abvierhnuć hetyja teoryi ciažka.
Tearetyčna, naš śviet składajecca na try čverci ź ciomnaj enierhii i na 22% — ź ciomnaj materyi. Ale «złavić» ich praktyčna niemahčyma – ciomnaja materyja nie ŭzajemadziejničaje z elektramahnitnym vypramieńvańniem. Upieršyniu ab ciomnaj materyi zahavaryli ŭ 1922 hodzie, kali astranomy D. Džyns i Ja. Kaptejn nie zmahli patłumačyć viadomymi čałavieku siłami ruch zorak u našaj hałaktycy.
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary