"Vybar miž Rasiejaj dy Eŭrapiejskim źviazam — heta mit", — zajaviŭ biełaruski ministar zamiežnych spraŭ. Kamentuje ŭ svaim błohu Alaksandar Kłaskoŭski.
"Vybar miž Rasiejaj dy Eŭrapiejskim źviazam — heta mit, jakoha nie isnuje", — zajaviŭ siońnia ŭ interviju "Rojterz" biełaruski ministar zamiežnych spraŭ.
Treba razumieć, što jość jašče j mity, jakija isnujuć. Naprykład, "sajuznaja dziaržava" :)
Zrešty, nia budziem prydziracca da sensavych pahrešnaściaŭ.
Kali adkinuć dyplamatyčnuju kazuistyku, to vidavočna, što aficyjny Miensk uparta nia choča rabić hetaha vybaru. Z adnaho boku, niama nijakaj achvoty addavać krainu-votčynu maskoŭskim "tłustym katam". Ź inšaha boku, Eŭropa — mentalna čužaja, dy jašče j rassadnik demakratyčnaj pošaści.
Choć i zajaŭlaje ministar Martynaŭ pra niaźmiennaść kursu na stratehičnaje partnerstva z Rasiejaj, nasamreč sioleta, paśla naftahazavaha šoku, biełaruskaja dyplamatyja pieramacała ŭsie vektary. I pa "vialikaj duzie" šnuravali, i Bruselu sprabavali padmirhnuć…
Ale na iranskich "Samandach" ad Maskvy nie ŭciačeš. Hetak sama i symbaličnaja prabirka nafty z Venesueły nie stvaraje sapraŭdnaj alternatyvy ŭ pytańni enerhanośbitaŭ. Nu a Eŭropa, chalera jaje biary, dziaŭbie ab vyzvaleńni palitviaźniaŭ, prazrystych vybarach dy inšych "efemernych pytańniach". I nie źbirajecca mianiać hetuju lohiku, kolki b ni zaklikaŭ sp. Martynaŭ.
Karaciej, dzie sieli, tam i źleźli. A na finišy hodu pryjechali da achutanych pokryvam tajamnicy pieramovaŭ z Pucinym, paśla jakich paliŭsia załaty kredytny doždž…
Tak što mitam nasamreč jość toje, nibyta možna doŭha dy z vyhadaj balansavać miž Rasiejaj dy Zachadam, siadzieć miž dvuma kresłami. U vyniku Maskva, majučy naftu, haz, mora hrošaj dy rezervu času, metadyčna prypiraje da ściany. A ścianu ŭ stasunkach z Eŭropaj zbudavali sami ž.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy13
Kamientary