Pra heta paviedamiŭ mitrapalit Minska-Mahiloŭski Tadevuš Kandrusievič.
Havoračy ab majučych adbycca ŭ budučym hodzie mierapryjemstvach, ijerarch raskazaŭ: «Budsłaŭski fest pa tradycyi projdzie ŭ pieršyja vychadnyja lipienia, heta značyć jon traplaje na 3-4 lipienia». Adkryćcio mižnarodnaha katalickaha fiestyvalu chryścijanskich filmaŭ i teleprahram Magnificat-2015, pa jaho słovach, adbudziecca 30 žniŭnia ŭ minskim archikatedralnym kaściole Najśviaciejšaj Panny Maryi.
Akramia taho, na 21-22 listapada zapłanavana śpiecyjalnaja kanfierencyja, pryśviečanaja 50-hodździu zaviaršeńnia II Vatykanskaha sabora — jana projdzie ŭ minskim Čyrvonym kaściole. Na ŭdakładniajučaje pytańnie, chto ź ijerarchaŭ pryjedzie ŭ biełaruskuju stalicu dla ŭdziełu ŭ kanfierencyi, Tadevuš Kandrusievič adkazaŭ: «Ideja ŭ nas tolki niadaŭna źjaviłasia, i skazać dakładna, chto heta budzie, pakul nie mahu. Ale dumaju, niekaha zaprosim».
Padvodziačy vyniki hetaha hoda, siarod najbolš važnych mierapryjemstvaŭ u žyćci chryścijanskaj carkvy mitrapalit Minska-Mahiloŭski nazvaŭ pravasłaŭna-katalicki forum, jaki prajšoŭ u Minsku ŭ červieni. U im pryniali ŭdzieł ijerarchi z bolš čym 20 krain śvietu, i jon u značnaj stupieni sadziejničaŭ umacavańniu imidžu Biełarusi na mižnarodnym uzroŭni.
Arcybiskup taksama źviarnuŭ uvahu na čempijanat Jeŭropy pa mini-futbole siarod ksiandzoŭ, jaki ŭ hetym hodzie prachodziŭ u Lidzie. Arhanizacyja hetaha čempijanatu taksama praciahniecca, dadaŭ mitrapalit.
