Kaciaryna Sałaŭjova |
Sudovy praces pa spravie połackaj aktyvistki niezarehistravanaha «Maładoha frontu» Kaciaryny Sałaŭjovaj byŭ pieraniesieny na 14 studzienia.
Jaje abvinavačvajuć u tym, što letaś u noč na 26 listapada jana nibyta napisała na budynku połackaha harvykankamu łozunh «Małady front nie spynić!».
Sama Kaciaryna svajho ŭčynku nie admaŭlaje, adnak, jak vyśvietliłasia, ad samaha pačatku administracyjnaje spravavodstva u dačynieńni da jaje viałosia z parušeńniami. Mienavita z‑za hetaha siońnia sudździa i pastanaviła pieranieści razhlad spravy na 14 studzienia.
Nahadajem, što suprać Kaciaryny Sałaŭjovaj raspačataja jašče i kryminalnaja sprava za ŭdzieł u niezarehistravanaj arhanizacyi. Admietna, što cisk na maładafrontaŭku raspačaŭsia mienavita napiaredadni ekzamienacyjnaj sesii u Połackim dziaržuniviersitecie, ź jakoha Kaciarynu ŭžo sprabavali adličyć uvosień, ale nie zmahli hetaha zrabić z‑za cisku hramadskaści.