«Zadačy, jakija stajać pierad biełaruskaj ekanomikaj, vidavočnyja, — zajaviŭ siońnia žurnalistam pryznačany učora premjer-ministr Biełarusi Andrej Kabiakoŭ. -
Situacyja ŭ śviecie niaprostaja, a naša ekanomika, na žal, vielmi zaležnaja ad źniešnich rynkaŭ. Ale ŭ toj ža čas chapaje i ŭnutranych prablem, i my pavinny navieści idealny paradak, kab minimizavać toj niehatyŭny ŭpłyŭ, jaki na nas akazvaje suśvietnaja ekanomika».
Pavodle Kabiakova, rašeńni, pryniatyja papiarednim uradam i kiraŭnictvam Nacyjanalnaha banka, źjaŭlajucca vyvieranymi i efiektyŭnymi. «Naša zadača — nie zhubić temp u pryniaćci efiektyŭnych rašeńniaŭ i apraŭdać nadziei naroda, jakija źviazanyja z pracaj ŭrada — hałoŭnaha ekanamičnaha štaba krainy», — padkreśliŭ Andrej Kabiakoŭ.
Pryznačany učora staršynia praŭleńnia Nacyjanalnaha banka Pavieł Kałavur svajoj pryjarytetnaj zadačaj ličyć zabieśpiačeńnie finansavaj stabilnaści Biełarusi. Pra heta jon zajaviŭ siońnia žurnalistam.
Pavodle novaha kiraŭnika Nacbanka, pieršačarhovym źjaŭlajecca realizacyja dalejšych mier pa padtrymańni stabilnaści na valutnym rynku, zabieśpiačeńnie valutna-abmiennych apieracyj.
«Vielmi važna ŭ cełym zachavać i raźvić resursnuju bazu dla bankaŭ, kab u hety niaprosty čas možna było padtrymać realny siektar ekanomiki», — skazaŭ Pavieł Kałavur.
Jon taksama ličyć, što ŭ ciapierašnich umovach treba budzie šukać niejkija kampramisnyja rašeńni.
