Upieršyniu paśla praciahłaj chvaroby śpiavačka Žanna Fryskie źjaviłasia na publicy ŭ Maskvie. Śpiavačka ź biełarusam Dźmitryjem Šepielevym i ich paŭtarahadovym synam Płatonam naviedali navahodni pakaz «Vyratavać paŭnočnaje źziańnie».
Dla maleńkaha Płatona śpiektakl staŭ pieršym vychadam u śviet u Maskvie. Pra toje, što Žanna ź siamjoj pryjšła na śpiektakl, paviedamiła na svajoj staroncy ŭ Facebook Aksana Butman — žonka džaźmiena Ihara Butmana.
«I Žanna Fryskie z mužam i synam siarod nas na pradstaŭleńni Maryi Kisialovaj «Vyratavać paŭnočnaje źziańnie»!!! Tak vydatna!!!», — napisała Aksana i padzialiłasia niekalkimi fatahrafijami.
Pra źjaŭleńnie Žanny na mierapryjemstvie pačali publikavać paviedamleńni ŭ satsietkach i inšyja hości šou.
U studzieni 2014 u Žanny Fryskie vyjavili puchlinu mozhu. Dabračynnym fondam udałosia sabrać srodki na lačeńnie i reabilitacyju śpiavački za miažoj. U kastryčniku Žanna viarnułasia ŭ Maskvu.
Žanna pastupova idzie na papraŭku. Čas ad času jana vychodzić na suviaź z žurnalistami i raspaviadaje, što ŭžo viartajecca da svajho zvyčajnaha ładu žyćcia: hulaje z synam, zajmajecca johaj, sama chodzić pa pakupki. Novy 2015-y śpiavačka płanuje sustreć u padmaskoŭnym domie ŭ kole siamji. Dla Płatona ŭžo pastavili pryhožuju jołku — pieršuju ŭ jaho žyćci.