Vybary ŭ «Łuhanskaj Narodnaj Respublicy» pravodzilisia pad prymusam, a kiraŭnictva «ŁNR» kradzie hrošy i padmanvaje ludziej, zajaviŭ lidar tak zvanaj Kazačaj Nacyjanalnaj Hvardyi Pavał Dromaŭ, prarasijski bajavik miascovaha pachodžańnia.
«Chaciełasia b spytacca ŭ samoj Rasii — da jakoha času niejkija Płatnickija buduć nas rabavać?.. Z 10 humanitarnych kanvojaŭ da naroda patrapiŭ tolki adzin, usie astatnija raspradali», — skazaŭ Dromaŭ u svaim videazvarocie.
«Chopić chłusić! My vyjšli za svabodu, my svabodny narod. Spadar Płatnicki zajaviŭ ŭ Bransku, što kazaki nie viedajuć zakonaŭ i miežaŭ. Dyk voś, pavažany Ihar Vieniedziktavič, vy — vor, vor sacyjalnaha davieru. Vy ŭviali sacyjalnyja kartki, nie pryjdziecie na vybary — nie atrymajecie piensii. Takoha šantažu nie było nidzie ŭ śviecie, navat u fašystoŭskaj Ukrainie», — dadaŭ Dromaŭ.
«Vy horš za ich. My patrabujem vašaj adstaŭki. My, pieršy kazačy połk imia Płatava, patrabujem vašaj adstaŭki, i za nami padnimiecca ŭsia Łuhanskaja vobłaść», — kaža lidar uzbrojenaha farmavańnia, jakoje, zhodna z paviedamleńniami presy, kantraluje harady Pieršamajsk, Sievieradanieck i Śviardłoŭsk.
Jon taksama pahražaje apryludnić niejkuju niebiaśpiečnuju dla kiraŭnictva «ŁNR» infarmacyju, kali z kimści ź jahonych padnačalenych niešta zdarycca.
Dromaŭ, jaki ŭžo nieadnarazova vystupaŭ z rezkaj krytykaj urada «ŁNR», kaža, što pad jahonym kiraŭnictvam znachodziacca 1.500 bajevikoŭ.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary