Fota: The Verge
Sprabuješ ustavić niešta ŭ USB-port. Nie ŭstaviłasia. Pieraviarnuŭ. Nie ŭstaviłasia. Pieraviarnuŭ znoŭ… Historyja znajomaja lubomu, chto sutykaŭsia z technikaj. Pra jaje zabylisia chiba ŭładalniki elektroniki Apple, dzie ź niadaŭniaha času vykarystoŭvajucca kabieli, jakija možna ŭstaŭlać lubym bokam.
Novy standart USB type C 3.1 dazvalaje ŭstaŭlać kabiel lubym z dvuch bakoŭ.
Pa kabieli možna pieradavać źviestki z chutkaściu da 10 Hbit/s, jon moža davać siłkavańnie da 100 Vt mahutnaści. Taksama pa im možna padklučać ekrany razroźnieńnia 5K. Kabiel adaptavany dla pracy praź pierachadniki z razdymimi.
Śpiecyfikacyi byli pryniatyja jašče ŭ žniŭni 2014 hoda, a pieršy hadžet z dvuchbakovym hniazdom (płanšet Nokia N1) byŭ anansavany ŭ listapadzie. Na žyvuju navinka prademanstravanaja tolki ciapier. Kali standart stanie šyroka pryniatym, jak zaraz micro USB Type-B, zaležyć tolki ad vytvorcaŭ techniki.
