AFP
Prezident Francyi Fransua Aland abviaściŭ z 8 studzienia trochdzionnuju nacyjanalnuju žałobu pa achviarach napadu na redakcyju satyryčnaha časopisa Charlie Hebdo.
Vystupajučy sa zvarotam pa telebačańni, Aland paviedamiŭ, što ŭ čaćvier apoŭdni va ŭsich dziaržustanovach budzie abjaŭlena chvilina maŭčańnia. «Naša lepšaja zbroja — naša adzinstva. Ništo nie moža nas padzialić. Davajcie abjadnajemsia», - zajaviŭ francuski lidar.
Aland taksama adznačyŭ, što achviarami teraktu stali «mužnyja žurnalisty».
Jon nahadaŭ, što supracoŭnikam redakcyi Charlie Hebdo pahražali na praciahu mnohich hadoŭ, adnak jany praciahvali pracavać. «Hetyja mužčyny, hetaja žančyna zahinuli za ideju, za svabodu. Ad vašaha imia ja chaču zajavić ab našaj udziačnaści ich siemjam, blizkim, usim, chto zahinuŭ i byŭ paranieny ŭ vyniku hetaha podłaha teraktu. Siońnia jany — našy hieroi», — skazaŭ prezident i paabiacaŭ zrabić usio, kab znajści i pakarać vinavatych u napadzie.
Hladzi taksama: Mastaki Charlie Hebdo, jakich bolš niama
