Prakuratura Minska 9 studzienia sankcyjanavała źmiaščeńnie pad vartu padazronych u dvuch zabojstvach, učynienych u stalicy ŭ navahodnija śviaty.
Adno sa złačynstvaŭ było ŭčyniena ŭ Zavodskim rajonie 1 studzienia. Padazrony mužčyna 1965 hoda naradžeńnia, indyvidualny pradprymalnik, taksist, svaju vinu admaŭlaje. Jon padazrajecca ŭ tym, što padčas śviatkavańnia Novaha hoda ŭ svarcy nanios žoncy 1964 hoda naradžeńnia bolš za 20 udaraŭ nažom u šyju i hrudzi. Žančyna pamierła na miescy.
Druhoje złačynstva było ŭčyniena taksama 1 studzienia ŭ Kastryčnickim rajonie. Padazrony, 31-hadovy mužčyna, pasvaryŭsia z adnym z udzielnikaŭ śviatkavańnia Novaha hoda, 55-hadovym mužčynam. Kali apošni pajšoŭ spać — zarezaŭ jaho. Trup byŭ znojdzieny tolki 2 studzienia. U kastryčniku 2014 hoda padazrony vyzvaliŭsia ź miescaŭ pazbaŭleńnia voli. Jon byŭ asudžany za rabavańnie i razboj.