Na prajmeryz u Ńju-Hiempšyry Chiłary Klintan abyšła Baraka Abamu ŭ honcy za vyłučeńnie kandydatam u prezydenty ZŠA ad Demakratyčnaj partyi.
Na prajmeryz u Ńju-Hiempšyry senatar ad štatu Ńju-Jork Chiłary Klintan abyšła senatara ad Ilinojsu Baraka Abamu ŭ honcy za vyłučeńnie kandydatam u prezydenty ZŠA ad Demakratyčnaj partyi.
Klintan nabrała 39 pracentaŭ hałasoŭ, Abama – 36%, Džon Edvardz - 17 %, Bił Ryčardsan - 5 %.
U respublikancaŭ lidziruje senatar ad štatu Aryzona Džon Makkiejn. U jaho 38% hałasoŭ. Jaho kankurent Mit Romni nabraŭ 32 % hałasoŭ. Majk Chakabi – 11 %, Rudolf Džulijani - 9 %.
Barak Abama ŭžo pavinšavaŭ svajho hałoŭnaha kankurenta pa Demakratyčnaj partyi ź pieramohaj. Jaŭka na prajmeryz pieraŭzyšła ŭsie čakańni. Pryčynaj nazyvajuć i nadzvyčaj miakkaje dla hetaha štata na paŭnočnym zachadzie ZŠA nadvorje
Choć vyniki hałasavańnia ŭ Ńju-Hiempšyry i nie źjaŭlajucca vyrašalnymi, ale pośpiech moža stać važnym psichalahičnym faktaram dla usioj kampanii.
U minułym toj, što vyjhravaŭ prajmeryz u Ńju-Hiempšyry, stanaviŭsia prezydentam ZŠA. Praŭda, heta zakanamiernaść parušyłasia ŭ 1992 h. u vypadku Biła Klintana i siońniašniaha prezydenta Džordža Buša ŭ 2000 h.
15 studzienia projduć prajmeryz u Mičyhanie, 19 studzienia – respublikanskija ŭ Nevadzie i Paŭdniovaj Karalinie. 26 studzienia demakraty praviaduć svaje prajmeryz u Paŭdniovaj Karalinie, 29 studzienia ahulnyja pieradvybary ŭ Fłarydzie.
5 lutaha – superaŭtorak. Prajmeryz projduć u 20 štatach uklučajučy Ńju-Jork, Ńju-Džerzi i Kaliforniju, tam i vyznačacca kandydaty, što buduć zmahacca za prezydenckuju pasadu.
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»30
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami3131
Kamientary