Fiederalnaja słužba pa nahladzie ŭ śfiery abarony pravoŭ spažyŭcoŭ i dabrabytu čałavieka (Rasspažyŭnahlad) nie abmiažoŭvała realizacyju soli biełaruskich i ŭkrainskich vytvorcaŭ. Pra heta infarmuje TASS sa spasyłkaj na pres-sakratara słužby Hannu Siarhiejevu.
Raniej źjavilisia źviestki, što viedamstva ŭ niekalkich rehijonach Rasii rekamiendavała admovicca ad prodažu soli biełaruskaj i ŭkrainskaj vytvorčaści. Śpiecyjalisty słužby vyjavili, što charčovaja sol ukrainskich vytvorcaŭ «Arciomsol» i «Słavianskaja sol», a taksama biełaruskaich «Mazyrsol» i «Biełkalij» nie adpaviadaje patrabavańniam da charčovaj pradukcyi. Parušeńni byli dapuščanyja pa źmieście roznych damieškaŭ i jodu, a taksama pa arhanaleptyčnych pakazčykach. Pry hetym sol ź Biełarusi i Ukrainy zajmaje 56% rasijskaha rynku.
Pa słovach pres-sakratara Rasspažyŭnahladu, niekatoryja rehijanalnyja ŭpraŭleńni viedamstva nakiravali ŭ handlovyja sietki listy z prośbaj dać infarmacyju pra najaŭnaść hetaj pradukcyi na palicach. Adnak u hetych listach «nie było rekamiendacyj pa zabaronie realizacyi», adznačyła jana.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Kamientary