tass.com
Premjer-ministr Rasii Dźmitryj Miadźviedzieŭ zajaviŭ, što Ukraina pavinna płacić pa daŭhach — jak dziaržaŭnych, tak i kamiercyjnych, u tym liku, bankaŭskich. Pry hetym, na dumku kiraŭnika kabinieta ministraŭ, u Rasii jość padstavy patrabavać daterminovaha pahašeńnia ŭkrainskaha doŭhu, «što b tam ni kazali kiraŭniki Ukrainy».
Miadźviedzieŭ nahadaŭ, što Rasija vydzieliła Kijevu pazyku ŭ 3 młrd dalaraŭ. Pry hetym adnym z umoŭ pradastaŭleńnia kredytu, jakaja paśla była parušana, było patrabavańnie, kab dziarždoŭh Ukrainy nie pieravyšaŭ 60% jaje VUP.
«U pryniatym biudžecie našych susiedziaŭ — my, naturalna, adsočvajem, što adbyvajecca — my naohuł nie ŭbačyli srodkaŭ na pahašeńnie finansavych abaviazacielstvaŭ pierad Rasijaj, choć pahašeńnie abaviazacielstvaŭ pierad inšymi kredytorami kijeŭskija ŭłady zapłanavali», — dadaŭ kiraŭnik rasijskaha ŭrada.
U toj ža čas, pa słovach Miadźviedzieva, Rasija nie zacikaŭlenaja ŭ defołcie Ukrainy.
«Skažam prosta, my nie chočam ŭskładnieńnia i biez taho biadotnaha stanovišča ŭkrainskaj ekanomiki. Nam, naadvarot, patrebien žyvy partnior», — zajaviŭ premjer Rasii na 6-m hajdaraŭskim forumie ŭ Maskvie.