Skład Amierykanskaj akademii kinamastactvaŭ pavinien być bolš raznastajnym pa rasavaj i pałavoj prykmiecie, ličyć prezident kinaakademii Šerył Bun Ajzieks.

Usie 20 naminantaŭ u asnoŭnych akciorskich katehoryjach u hetym hodzie — biełyja. U naminacyjach dla režysioraŭ i scenarystaŭ niama ni adnoj žančyny.
U vyniku na Akademiju kinamastactva abrynułasia rezkaja krytyka.
Tym nie mienš Šerył Bun Ajzieks zajaviła, što hanarycca śpisam naminantaŭ i što pa častcy raznastajnaści pradstaŭnikoŭ rasavych, etničnych i inšych hrup u składzie akademii nazirajecca istotny prahres.
Šerył Bun Ajzieks — pieršy prezident akademii afraamierykanskaha pachodžańnia. Pavodle jaje słoŭ, arhanizacyja maje ćviordy namier pradstaŭlać samyja raznastajnyja punkty hledžańnia i śvietapohlady.
Paśla taho jak byŭ abvieščany śpis naminantaŭ, u sacsietkach padniałasia chvala krytyki pad chieštehom #OscarsSoWhite («Oskar» taki bieły»).
Mnohija ździŭleny tym, što ŭ śpis nie patrapili režysior Ava Dziu Viarnaj, jaki źniaŭ bijahrafiju Marcina Lutera Kinha «Sielma», a taksama vykanaŭca hałoŭnaj roli ŭ hetym filmie Devid Ajałova.
Adnak Šerył Bun Ajzieks adznačaje, što «Sielma» vyłučany na lepšy film hoda. Jana dadała, što u toj čas, jak akademija prykładaje namahańni dla taho, kab zrabić svoj skład bolš raznastajnym, toje ž samaje pavinna rabić i ŭsia kinaindustryja.
Amierykanskaja akademija kinamastactvaŭ składajecca z 15 hildyj. Kožnaja hildyja hałasuje tolki ŭ svajoj katehoryi: akciory vybirajuć lepšaha akciora i lepšuju aktorku, režysiory vybirajuć lepšaha režysiora.
«Lepšy film» — adzinaja katehoryja, pa jakoj hałasujuć usie členy akademii.
Maksimalnuju kolkaść naminacyj — pa dzieviać — atrymali filmy «Hrand Hatel Budapiešt» i «Biordmen».
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu

Kamientary