Va ŭkrainskim dobraachvotnickim bataljonie «Dniepr-1» zajavili, što kaardynavany im partyzanski atrad u noč na 22 studzienia padarvaŭ tavarny ciahnik u Łuhanskaj vobłaści, na jakim sieparatysty pieravozili vuhal.
Pra heta ŭ čaćvier, 22 studzienia, paviedamlaje pres-słužba «Dniepr-1».
«Całkam źniščanyja dva vahony i častka čyhunačnych puciej na stancyi Čyrvonaja Mahiła, pablizu Śviardłoŭska Łuhanskaj vobłaści. Takim čynam, pierapynienaja čyhunačnaja suviaź pamiž poŭnačču Łuhanskaj vobłaści i Rasijskaj Fiederacyjaj», —paviedamili ŭ pres-słužbie ŭkrainskaha dobraachvotnickaha bataljona.
U pres-słužbie «Dniepr-1» śćviardžajuć, što na padarvanym partyzanami ciahniku sieparatysty pieravozili vuhal na terytoryju Rasii.
0
0
0
0
0
0