Aktyvisty Jeŭramajdanu Siarhiej Nihajan, Michał Žyźnieŭski i Raman Senik byli zabityja palaŭničymi patronami. Pra heta paviedamiŭ hienprakuror Ukrainy Vital Jarema ŭ intervju radyjostancyi «Era».
Jany byli pieršymi achviarami, što zahinuli ad kulaŭ na Majdanie ŭ studzieni 2014 hoda.
«Jany byli zabityja abo im byli naniesienyja cialesnyja paškodžańni z hładkastvolnaj zbroi, jakoja vystrelvaje humovyja kuli. Ale nam udałosia ŭstanavić, što niekalki rabotnikaŭ milicyi ustaŭlali tudy palaŭničyja patrony, ad jakich i zahinuli hetyja našy hieroi», — paviedamiŭ hienprakuror.
Pa słovach Jaremy, za apošni hod pravaachoŭnym orhanam udałosia prasunucca ŭ rasśledavańni złačynstvaŭ na Majdanie. Jany šukajuć, chto sa śpiecnazaŭcaŭ niepasredna padmianiaŭ kuli, što i pryviało da pieršaj kryvi i eskałacyi napružańnia.
«My praviali ekśpiertyzy, jakija nikoli nie pravodzili. Naprykład, partretaznaŭčuju ekśpiertyzu. Jany ž usie byli ŭ bałakłavach», — adznačyŭ hienprakuror.
Paźniej, u lutym z ahniastrelnaj zbroi byli zabityja kala sta pratestujučych, jakich paśla nazvali «Niabiesnaj sotniaj». Tady ŭžo ahoń vioŭsia z aŭtamatyčnaj zbroi.
23 studzienia pačaŭsia sudovy razhlad u miežach kryminalnaj vytvorčaści pa fakcie hibieli 39 aktyvistaŭ Jevromajdana na vulicy Instytuckaj 20 lutaha minułaha hoda.
Abvinavačvańnie ŭ miežach hetaj vytvorčaści pradjaŭlena bajcam padraździaleńnia «Bierkut» Abrośkinu i Zinčanku.
Kamientary