Ukraincy pakinuli dva razburanyja terminały, ale trymajuć častku aeraporta
Ukrainskija vajskoŭcy pakinuli stary i novy terminały Danieckaha aeraporta, jakija byli całkam razburanyja, adnak asnoŭnaja častka terytoryi aeraporta dahetul zastajecca pad ich kantrolem, paviedamiŭ «Hromadśkomu TB» kamandzir 5-ha bataljona «Pravaha siektara» z pazyŭnym «Čorny».
«Było b złačynstvam z boku kamandavańnia adpraŭlać bajcoŭ trymać hetyja askiepki. Ciapier utrymlivajucca tyja pamiaškańni, jakija možna abaraniać, da jakich možna dajechać i davieźci bojeprypasy. Utrymlivajucca ŭsie vyšyni — mieteavyška, dyśpietčarskaja vyška, pažarnaja», — skazaŭ kambat.
U novym terminale, pa jahonych słovach, całkam abvaliŭsia druhi pavierch, i bajcoŭ, jakija tam abaranialisia, zavaliła. Častka zahinułych zastalisia pad zavałami, adnak pakul niemahčyma evakujavać cieły, bo na terytoryi aeraporta ŭvieś čas praciahvajecca artyleryjskaja duel.
Całkam u rukach ukrainskich uzbrojenych sił zastajecca i važnaja pazicyja ŭ vioscy Piaski, u jakoj raniej biełaruskija dobraachvotniki ŭ składzie ŭkrainskich častak pastavili bieł-čyrvona-bieły ściah, skazaŭ «Čorny».
«Našy Piaski, pra jakija Zacharčanka (tak zvany «prezident DNR») zajaŭlaje, što amal zachapiŭ ich — jany pasprabavali ich ŭziać, atrymali luloŭ i adyšli. Ja nie razumieju toj paniki, jakaja zaraz padniałasia ŭ internecie… Usie zajavy sieparatystaŭ pra toje, što jany tam niešta trymajuć, heta ni ab čym», — skončyŭ kambat.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary