My ź niepakojem nazirajem za zaciahnuŭšymsia pracesam vybaraŭ rektara, za tym, jak hety ardynarny praces vyklikaje supraćstajańnie, pieraškadžaje narmalnaj i stabilnaj pracy Univiersiteta.
Praciah hetaj situacyi, pavialičvańnie stupieni palityzacyi našaha prajektu moža nienaści niepapravimuju škodu, jakaja pahražaje isnavańniu našaha Univiersiteta.
Nam patrebien EHU jak univiersitet, daleki ad niepasrednaha ŭdziełu ŭ palitycy.
Isnavańnie EHU mienavita ŭ jakaści akademičnaha prajekta dazvalaje jemu vykonvać misiju ŭ śfiery adukacyi pakaleńniaŭ maładych biełarusaŭ u ahulnaj jeŭrapiejskaj adukacyjnaj prastory, jakaja zasnavanaja na tradycyjach suśvietnaha humanizma.
My dobra ŭśviedamlajem słabyja i chistkija baki EHU.
My znachodzimsia ŭnutry pracesa i bačym, što EHU – vielmi raznastajny i składany. Jak składanaja arhanizacyja jon patrabuje takoho lidera, jaki zmoh by vykarystać hetuju raznastajnaść, moh by arhanizavać dyjałoh i supracoŭnictva. My zacikaŭlenyja ŭ takim lidery, jaki zmoh by praciahnuć tradycyju EHU być adkrytym, sapraŭdy jeŭrapiejskim univiersitetam, jaki raźvivaje lepšyja tradycyi suśvietnaj libieralnaj adukacyi. Mienavita adkrytaść i ŭniviersalnaść źjaŭlajucca klučom da uśviedamleńnia misii EHU ŭ Biełarusi.
Nam patrebna adkrytaja dyskusija ab tym, jak biełaruski kampanient arhanična spałučajecca ź jeŭrapiejskaściu.
My dumajem, što isnuje šmat kancepcyj «biełaruskaści», jak i šmat kancepcyj «jeŭrapiejskaści»; mienavita ich žyvoje ŭzajemadziejańnie i sutyknieńnie dazvaleje hłybiej uśviadomić naša miesca ŭ sučasnym śviecie, taksama jak i suviaź pamiž nacyjanalnymi i humanistyčnymi kaštoŭnaściami. Dla takoj dyskusii ŭ EHU pavinna być zachavanaja jaho akademičnaja prastora, adkrytaja da mnahastajnaści, jakaja zaachvočvaje da ciarplivaci, pavahi i praceduraŭ. Usialakaje daminavańnie, štučnaja unifikacyja, imknieńnie da adzinaha pravilnaha bačańnia – pahražajuć samym asnovam univiersiteckaha ładu i kultury.
My spadziajemsia na razumnaje rašeńnie Kirujučaj Rady ŭ spravie vyznačeńnia budučaha rektara,
jakoje dazvolić Univiersitetu praciahnuć pazityŭnuju dynamiku raźvićcia, źviazanuju sa stabilizacyjaj, dasiahnutaj apošnim časam, sa stanoŭčaj akredytacyjaj u 2014 hodzie, transfarmacyjaj struktury, raźvićciem navuki i akademičnych prahram. Pry hetym, jak nam padajecca, prafiesijanalizm i zachavańnie dasiahnutaha źjaŭlajucca klučavymi pryncypami pry pryniaćci losavyznačalnych dla Univiersiteta rašeńniaŭ.
