
president.gov.by
Adpuścić biełaruski rubiel u svabodnaje płavańnie daviałosia z-za valutnaha ažyjatažu z boku nasielnictva.
Ab hetym siońnia zajaviŭ Alaksandr Łukašenka ŭ čas pres-kanfierencyi.
Łukašenka padkreśliŭ: pieršapačatkova ab tym, kab devalvavać nacyjanalnuju valutu ŭ kancy minułaha hoda, razmova nie išła.
«My ž nie źbiralisia hetaha rabić u kancy minułaha hoda. Ja vam absalutna sumlenna ab hetym kažu.
Ja vam namiaknuŭ: usio zaležyć ad vas. Kali vy pačniacie biehać ad abmieńnika da abmieńnika i mianiać biełaruskija rubli na valutu, to zrazumieła, my nie budziem čakać, pakul u nas naohuł apustošacca zapasy ŭ Nacyjanalnym banku i nie budzie zołatavalutnaha reziervu.
Viadoma, vy, nasielnictva i pradpryjemstvy, nas šturchniacie, što my vymušany budziem u niejkaj stupieni adpuścić nacyjanalnuju valutu ŭ svabodnaje płavańnie. Što daviałosia i zrabić», — adznačyŭ kiraŭnik dziaržavy.
Kamientary