Ministr zamiežnych spraŭ Uładzimir Makiej nazvaŭ absalutna niapravilnaj dumku ab tym, što pry admienie vizavaha režymu ŭ Biełaruś nakirujucca patoki zamiežnych naviedvalnikaŭ, što dazvolić pryciahnuć u krainu dadatkovyja valutnyja srodki.
Pra heta ministr, atrymaŭšy słova ad prezidenta, zajaviŭ 29 studzienia ŭ Minsku padčas pres-kanfierencyi Alaksandra Łukašenki.
Dla taho kab u Biełaruś stali bolš aktyŭna pryjazdžać zamiežniki, «treba jašče raspačać šerah inšych mier, jak by zacikavić, čaho siudy pryjazdžać», adznačyŭ kiraŭnik źniešniepalityčnaha viedamstva respubliki. «Palahčeńnie vizavaha režymu źjaŭlajecca važnym pytańniem, ale nie samym vyrašalnym», — skazaŭ jon.
Pry hetym praces atrymańnia biełaruskaj vizy, pavodle słoŭ Makieja, nie ŭjaŭlaje dla zamiežnych hramadzian absalutna nijakaj składanaści, asabliva ŭ paraŭnańni z praceduraj atrymańnia šenhienskaj vizy.
«Isnuje šerah pahadnieńniaŭ ab biaźvizavych ŭjezdach pa ahulnahramadzianskich pašpartach z 17 dziaržavami śvietu, jašče prykładna z 42 dziaržavami jość pahadnieńni ab biaźvizavych ŭjezdach pa dypłamatyčnych i słužbovych pašpartach. Hety praces taksama pastajanny. My ciapier viadziom pieramovy ź niekalkimi dziaržavami pa ablahčeńni vizavaha režymu dla hramadzian našych krain», — paviedamiŭ kiraŭnik MZS. Jon dadaŭ, što ŭ minułym hodzie biełaruski bok pryniaŭ šerah rašeńniaŭ ab ablahčeńni ŭjezdu zamiežnych hramadzian, jakija žadajuć vučycca ci vieści biźnies u Biełarusi.
Pavodle słoŭ kiraŭnika MZS, Biełaruś nie źjaŭlajecca idealnaj krainaj u pytańni vizavaha rehulavańnia, i, mahčyma, «praściej było b naohuł admianić vizy». «Ale treba hladzieć i z punktu hledžańnia biaśpieki, ekanamičnaha, sacyjalnaha i vajennaha składnika. Vy bačycie, što adbyvajecca ŭ inšych krainach, i my pavinny hladzieć na toje, chto da nas budzie pryjazdžać, my nie pavinny raschinać dźviery naściež», — padahuliŭ Makiej.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary