Za niekalki tydniaŭ studzienia najbujniejšy biełaruski rytejler — handlovaja sietka «Jeŭraopt» — u dziesiaci rajonach Biełarusi adkryŭ 16 biaspłatnych aŭtobusnych maršrutaŭ. Jany dastaŭlajuć žycharoŭ addalenych viosak u rajonnyja centry — prosta da kram «Jeŭraopt».
Firmovyja aŭtobusy źjavilisia ŭ Brasłavie, Vietcy, Jelsku, Chojnikach, Naroŭli, Słonimie, Vałožynie, Uździe, Starych Darohach, Klimavičach. Pracujuć maršruty ad dvuch da čatyroch raz na tydzień, a za dzień, jak praviła, aŭtobusy paśpiavajuć ździejśnić try rejsy. Prajezd u rajonny centr dla viaskoŭcaŭ biaspłatny.
Štodnia aŭtobusy sietki «Jeŭraopt» pieravoziać kala 550 pasažyraŭ. Na maršrutach pracujuć mašyny marki «Radzimič» biełaruskaj vytvorčaści źmiaščalnaściu 40 čałaviek.
Hienieralny dyrektar sietki «Jeŭraopt» Filip Arciomienka padkreśliŭ, što inicyjatyva kampanii nosić, pierš za ŭsio, sacyjalny charaktar. «Heta naš žest dobraj voli dla viaskoŭcaŭ, kali chočacie — sacyjalny prajekt, jakim my nie tolki palapšajem handlovaje absłuhoŭvańnie ŭ vioskach, ale i prosta robim žyćcio ŭ vioscy trochi bolš pryjemnym i kamfortnym», — adznačyŭ kiraŭnik kampanii.
Pa słovach Filipa Arciomienki, sietka «Jeŭraopt» i nadalej hatovaja aktyŭna pracavać u vioscy. Jak nieadnarazova padkreślivałasia, pry najaŭnaści zamovy z boku miascovaj ułady stacyjanarnyja kramy mohuć być pabudavanyja ŭ vioskach z nasielnictvam ad 500 čałaviek, a ŭ astatnich nasielenych punktach handlovaje absłuhoŭvańnie moža być zabiaśpiečana z dapamohaj aŭtakram. Prahrama padvozu pakupnikoŭ ź sielskaj miascovaści dazvolić žycharam biełaruskaj hłybinki lepš adčuć pieravahi sučasnaha handlovaha servisu, uzmocnić kankurencyju ŭ śfiery miascovaha roźničnaha handlu.
Jak paviedamiŭ Filip Arciomienka, na siońniašni momant kampanijaj raspracoŭvajucca novyja maršruty pa sielskich nasielenych punktach u roznych rehijonach krainy, jakija mohuć być adkrytyja ŭžo ŭ bližejšy čas.
