Žanr: drama, historyja, sport
Režysior: Bieniet Miler
U rolach: Styŭ Kareł, Čeninh Tatum, Mark Rufała, Sijena Miler, Vanesa Redhrejv, Entani Majkł Choł, Haj Bond
ZŠA, 129 chv.
Adznaka: 6 z 10
Multymiljanier Džon Dziupon zaprašaje ŭ svoj majontak uładalnika alimpijskaha załatoha miedala pa volnaj baraćbie Marka Šulca dla padrychtoŭki svajoj kamandy «Palaŭničyja na lis» da Alimpijskich hulniaŭ u Sieule 1988 hoda.
Spadziavajučysia hodna vystupić i vyjści ź cieniu svajho brata, čempijona Dejva Šulca, Mark prymaje prapanovu. Ale chvory na hałavu Dziupon imkniecca atrymać u svaju kamandu i bolš charyzmatyčnaha Dejva, zaviazvajučy niebiaśpiečnuju hulniu z chłopcami.
Stužka zasnavanaja na trahičnych padziejach 1996-ha: składanych adnosinach pamiž Džonam Dziuponam i alimpijskimi čempijonami Markam i Dejvam Šulcami, jakija pryviali da śmierci apošniaha. Film maje vielmi niaśpiešny temp raźvićcia padziej, jakija ŭ realnaści raściahnutyja na dziesiacihodździe, a tut układajucca hoda ŭ paŭtara.
Režysior patrochu nahniataje atmaśfieru, pakazvajučy paharšeńnie psichičnaha zdaroŭja Dziupona, apantanaha idejami spartovaj hodnaści ZŠA.
U sprobach dasiahnuć svajoj mary jon hulajecca žyvymi ludźmi, jak cackami. Na žal, stužcy nie staje dynamiki, a hieroi vyhladajuć niežyvymi — mahčyma, heta zadumka režysiora: tak mahli vyhladać ludzi ŭ śviadomaści varjata. Spadabajecca najpierš amataram sportu, a taksama zmročnych dram. Bieniet Miler atrymaŭ pryz na Kanskim kinafiestyvali — 2014 za najlepšuju režysiorskuju rabotu.
Stužka taksama naminavanaja na Oskar-2015 u niekalkich katehoryjach.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)