5 lutaha ŭ minskich kinateatrach pačalisia pakazy našumiełaha rasijskaha filma. U premjerny dzień kasiry raspaviali «Salidarnaści» pra toje, jak raskuplajucca bilety.
Karcinu, što pretenduje na «Oskar», buduć pakazvać u kinateatrach «Centralny», «Biełaruś», «Silvier skryn» i Domie kino.
— Na siońnia ŭsie kvitki pradadzienyja. Aktyŭna kuplajuć na zaŭtrašnija sieansy, a ŭ vychodnyja dni zały harantavana buduć poŭnymi, — raspaviali ŭ kinateatry «Centralny».
Surazmoŭca vykazała zdahadku, što ažyjataž vakoł filma ŭ ich, chutčej za ŭsio, zachavajecca da kanca prakatu.
— Uličvajučy toje, što film u nas budzie demanstravacca da 11 lutaha, dumaju, zała budzie zaŭsiody poŭnaja.
U kinateatry «Biełaruś» raspaviali, što i ŭ ich siońnia pradadzienyja praktyčna ŭsie bilety — jak na premjerny pakaz, jaki pačaŭsia ŭ 15:50, tak i na dva viačernija sieansy.
— Šmat telefanujuć i pytajucca bilety mienavita na «Levijafan». Na zaŭtra ŭžo bolšaść biletaŭ pradadzienaja. U subotu-niadzielu buduć poŭnyja zały. Tak zaŭsiody byvaje, kali vychodzić film, jaki ŭsio čakajuć, — raspaviali ŭ «Biełarusi».
Kasiriep adznačyła, što, mahčyma, paśla vychadnych, ažyjataž krychu spadzie (adabjucca budnija dni), ale ŭ cełym cikavaść da filma, chutčej za ŭsio, zachavajecca da kanca prakatu.
Daviedacca pra situacyju ŭ Domie kino nie ŭdałosia. Tam paprasili patelefanavać u kasu paźniej, bo la jaje sabrałasia vialikaja čarha.
