Paŭtorny konkurs pa vybary investara dla pramysłovaj raspracoŭki radovišča vapny «Padkamieńnie» u Vietkaŭskim rajonie, što na Homielščynie, zładzić Dziaržkamitet pa majomaści 12 sakavika 2008 h.
Paŭtorny konkurs pa vybary investara dla pramysłovaj raspracoŭki radovišča vapny «Padkamieńnie» u Vietkaŭskim rajonie, što na Homielščynie, zładzić Dziaržkamitet pa majomaści 12 sakavika 2008 h.
Na bazie hetaha radovišča budzie budavacca novy ŭ Biełarusi cementavy zavod mahutnaściu da 2 młn t cementu ŭ hod suchim sposabam.
Novy konkurs maje vyznačyć investara, što vałodaje nieabchodnymi finansavymi, kadravymi i techničnymi resursami dla pramysłovaj raspracoŭki radovišča vapny i pabudovy cementavaha zavodu. Pieramožca pavinien budzie pravieści papiarednija mierapryjemstvy i zatym pačać pabudovu zavodu i abjektaŭ infrastruktury. Planujecca taksama kompleksnaje asvajeńnie radoviščaŭ vapny i stvareńnie inšych mahutnaściaŭ pa vytvorčaści budaŭničych materyjałaŭ.
Pavodle ŭmovaŭ konkursu 70% ad ahulnaha abjomu vytvorčaści pradukcyi investar moža ekspartavać pa ŭłasnych kanałach, a reštu pavinien pastaŭlać na ŭnutrany rynak Biełarusi pa rehulavanych koštach adpaviedna zakanadaŭstvu.
Umovami praduhledžana, što arhanizacyi, utvoranyja na terytoryi Biełarusi dziela realizacyi hetaha investycyjnaha prajektu, biazvypłatna padzielacca ź dziaržavaj častkaj svaich aktyvaŭ u vyhładzie doli ŭ statutnym fondzie.
Varta nahadać, što da biełaruskich cemenciarniaŭ pryhladajucca najpierš azijackija investary. U minułym hodzie było abvieščana pra kitajski kredyt ŭ pamiery $600 na madernizacyju biełaruskich zavodaŭ, a taksama pra namiery Kazachstanu pabudavać na terytoryi Biełarusi cementavy zavod. U śniežni 2007 h. ministar architektury i budaŭnictva Alaksandar Sielaźnioŭ paviedamiŭ, što da lutaha 2008 h. Biełaruś pavinna atrymać kredytnyja srodki Kitaju ŭ pamiery $30 młn., a taksama kredyt «Biełarusbanka» na $70 młn., što daść mahčymaść pačać maštabnyja budaŭničyja raboty. Dla ich pradaŭžeńnia ŭ krasaviku‑traŭni praduhledžvajecca pastupleńnie jašče $100 młn. kredytnych srodkaŭ z Kitaju.
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami14
Kamientary