Za try tydni prahramist stvaryŭ ałharytm, kodam jakoha padzialiŭsia na GitHub. Pryncyp dziejańnia jon apisvaje ŭ svaim błohu.
Bot vykarystoŭvaje sistemu raspaznavańnia tvaraŭ: bot analizuje zdymki, jakija karystalniku spadabalisia i nie spadabalisia, a potym znachodzić adpaviednyja tvary na fota z Tinder. Paśla hetaha bot pačynaje pierapisku z patencyjnym partnioram — kali toj (taja) adhukajecca, bot paviedamlaje ab hetym uładalniku.
Takija siaredniestatystyčnyja partrety składaje prahrama z fota, jakija raniej spadabalisia i nie spadabalisia karystalniku. Fota z błohu Džastyna Łonha
Łonh paśpieŭ schadzić na niekalki spatkańniaŭ z prapanavanymi botam dziaŭčatami, dzie raspaviadaŭ ab svajoj prahramie. Niekatoryja ŭspryniali heta niehatyŭna, niekatoryja zacikavilisia. Ź ciaham času jon adklučyŭ prahramu, bo taja stała zaminać pracy.
Jak śćviardžaje stvaralnik, za 48 hadzin prahrama dapamahła dasiahnuć 21 uzajemnaj simpatyi i navat viała doŭhija hutarki z 4 patencyjnymi partniorami.
Aŭtar nie źbirajecca vykarystoŭvać prahramu na kamiercyjnaj asnovie, ale dadaŭ u svaju viersiju bota padtrymku płatnych funkcyj, siarod jakich pošuk svajho ideału nie tolki pablizu, ale i pa ŭsioj płaniecie.
***
Tinder — mabilnaja prahrama znajomstvaŭ, jakaja padbiraje kandydatury, pakazvajučy karystalniku tolki fota ludziej pablizu. Kali dva čałavieki «łajknuli» fota adzin adnoha, źjaŭlajecca mahčymaść pierapiski. Na siaredzinu 2014 hoda prahrama mieła 10 młn karystalnikaŭ pa ŭsim śviecie. Adnojčy navat dapamahła znajści adzin adnoha pary ŭ Antarktydzie. Niadaŭna prahramu padrabiazna daśledavaŭ CityDog.
