Pra heta ŭ intervju «Interu» raspavioŭ udzielnik kantaktnaj hrupy, druhi prezident Ukrainy Leanid Kučma.
Pavodle jaho słoŭ, terarysty ledź nie sarvali ŭvieś praces pieramovaŭ, a prezidenty ŭžo źbiralisia raźjechacca.
«Kantaktnaja hrupa pavinna była razam z Alaksandram Zacharčankam i Iharam Płatnickim padpisać hety dakumient, pieradać jaho čatyrom prezidentam, jany pavinny byli vyjści da presy, błasłavić hety dakumient i skazać: «Chłopcy, davajcie dalej žyć družna». Ale kali my sieli za stoł padpisvać dakumient, Płatnicki i Zacharčanka skazali, što jany ničoha padpisvać nie buduć, ich nie zadavalniaje damova.
Pačali z taho, što, nibyta, našy vajskoŭcy ŭ katle ŭ Debalcavie, prapanoŭvali zapisać, što vajskoŭcy pavinny zdać zbroju. Heta była niamaja scena. Čaćviorka [Mierkiel, Aland, Parašenka i Pucin] ledź nie raźjechałasia», — skazaŭ jon.
Pa słovach Kučmy, paśla pierapynku ŭdzielniki kantaktnaj hrupy ŭnieśli ŭ dakumient adzinaje źmianieńnie, «choć zaŭvah z boku Danbasa było šmat».
«Adzinaje źmianieńnie — zamiest 08:00 14 čysła, pieramirje pavinna było nastupić u poŭnač 15-ha. Heta adzinaje, što źmianiłasia», - adznačyŭ Kučma.
