Prakuratura Mahiloŭskaj vobłaści nakiravała ŭ sud dla razhladu pa sutnaści kryminalnuju spravu ŭ dačynieńni da 42-hadovaha žychara Mahilova, jaki znachodziŭsia ŭ miždziaržaŭnym vyšuku bolš jak 10 hadoŭ i byŭ zatrymany ŭ Rasii. Jon abvinavačvajecca va ŭčynieńni złačynstva, praduhledžanaha č. 4 art. 209 KK (machlarstva, učynienaje hrupaj asob u asabliva bujnym pamiery).
Jak paviedamiła staršy pamočnik prakurora Mahiloŭskaj vobłaści Ała Kuźniacova, padčas papiaredniaha śledstva ŭstanoŭlena, što abvinavačany, majučy adzinuju zadumu, skiravanuju na nieadnarazovaje šlacham padmanu i złoŭžyvańnia davieram zavałodańnie majomaściu hramadzian u asabliva bujnym pamiery, ź lutaha 1998 hoda pa lipień 2000 hoda, budučy ŭ Mahilovie i Škłovie, dziejničajučy pavodle papiaredniaj zmovy ŭ hrupie z tryma žycharami Mahilova (paźniej jany byli asudžanyja za hetaje złačynstva), ustanaŭlivaŭ asob, jakija majuć asobnuju kvateru, ź liku niepracoŭnych hramadzian, što złoŭžyvajuć śpirtnymi napojami, majuć zapazyčanaści pa apłacie kamunalnych i inšych pasłuh za karystańnie žyllom i nie majuć srodkaŭ dla ich apłaty. Paśla hetaha ŭstupaŭ ź imi ŭ daviernyja adnosiny, pierakonvajučy pradać ci abmianiać svaje kvatery na ŭmovach atrymańnia bolš tannaha žylla i vypłaty hrašovaj dapłaty, a taksama atrymańnia inšych materyjalnych vyhod i ŭładkavańnia na pracu.
Z metaj umacavańnia daviernych adnosinaŭ abvinavačany davaŭ paciarpiełym niaznačnyja hrašovyja srodki dla apłaty kamunalnych płaciažoŭ, raschodaŭ na pryvatyzacyju žylla, dla nabyćcia praduktaŭ charčavańnia i śpirtnych napojaŭ, pry hetym nie majučy namieru vykonvać uziatyja na siabie abaviazacielstvy pa vypłacie hrašovych srodkaŭ za prodaž i abmien kvater. U vyniku abvinavačany zavałodaŭ kvaterami abo hrašovymi srodkami 14 hramadzian.
Sankcyja č. 4 art. 209 KK praduhledžvaje pakarańnie ŭ vyhladzie pazbaŭleńnia voli da dziesiaci hadoŭ z kanfiskacyjaj majomaści.
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary