«Što tyčycca mahčymych pastavak va Ukrainu, pa-pieršaje, pa našych dadzienych, heta zbroja užo pastaŭlajecca. I tut niama ničoha niezvyčajnaha», — zajaviŭ Pucin.
Reuters.com
Takuju zajavu rasijski prezident zrabiŭ pa vynikach sustrečy z premjer-ministram Vienhryi Viktaram Orbanam u Budapiešcie ŭ adkaz na pytańnie ab tym, jak Rasija pastavicca da mahčymych pastavak zbroi z ZŠA va Ukrainu.
«Pa-druhoje, ja hłyboka pierakanany ŭ tym, što chto b i jakuju b zbroju ni pastaŭlaŭ, kolkaść achviar moža, viadoma, pavialičycca, ale vynik budzie taki ž, jak siońnia — heta niepaźbiežna», - dadaŭ Pucin.
Raniej 17 lutaha daradca prezidenta Ukrainy Piatra Parašenki Juryj Birukoŭ zajaviŭ, što ŭkrainskaje ministerstva abarony pieradało ZŠA śpis nieabchodnaha ŭzbrajeńnia.
«Amierykancy nie havorać kateharyčnaje nie, jany kažuć, što ciapier nie pryniata rašeńnie ŭ Biełym domie, ale pakul jano budzie prymacca — davajcie prapracujem. Tamu praca viadziecca. Havorka idzie i pra braniatechniku, i pra ŭzbrajeńnie», — rastłumačyŭ jon.
U kancy studzienia, padčas sustrečy sa studentami Nacyjanalnaha minieralna-syravinnaha ŭniviersiteta «Horny» ŭ Sankt-Pieciarburhu, Pucin zajaviŭ, što siarod padraździaleńniaŭ Uzbrojenych sił Ukrainy vajuje «zamiežny nataŭski lehijon», jaki maje na mecie, źviazanaje dasiahnieńniem hieapalityčnych metaŭ strymlivańnie Rasii.
Hienieralny sakratar Paŭnočnaatłantyčnaha aljansu Jens Stołtenbierh nazvaŭ zajavu ab prysutnaści va Ukrainie «lehijona NATA «nonsensam».
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie5
Kamientary