Analiz spadarožnikavych zdymkaŭ paćvierdziŭ abstreły Ukrainy z terytoryi Rasii
Niezaležnyja daśledčyki razhladali formu varonak, što dała infarmacyju ab trajektoryi snaradaŭ.
Prajekt brytanskaha žurnalista Elijata Chihinsa Bellingcat praanalizavaŭ zdymki Google Earth za červień-vierasień 2014 hoda, a taksama videa abstrełaŭ.
Z 10 vyjaŭlenych ahniavych pazicyj 9 adnaznačna znachodzilisia na terytoryi Rasii. Adna pazicyja znachodziłasia va Ukrainie ŭ 2 km ad miažy z Rasijaj.
Bellingcat ahułam praanalizavaŭ 1353 varonki ŭ rajonach abstrełaŭ kala Amvrosijeŭki, Pančankava i šachty «Daŭžanskaja-Kapitalnaja». Napramak vyznačaŭsia pa formie varonki pavodle viadomych u śviecie pracedur — aŭtary spasyłajucca na instrukcyju Korpusu marskoj piachoty ZŠA.
Prykłady fota z daśledavańnia:
Składzienyja trajektoryi pakazali na tyja ž punkty, jakija mierkavalisia ahniavymi pazicyjami pavodle śladoŭ techniki na spadarožnikavych zdymkach terytoryi Rasii. Adna z ahniavych pazicyj była vyznačanaja pa analizie dalahladu na videa załpaŭ.
***
Bellingcat pracuje z červienia 2014 hoda. Finansavańnie było atrymanaje z dabraachvotnych achviaravańniaŭ na Kickstarter. Prajekt analizuje adkrytyja źviestki adnosna roznych kanfliktaŭ u śviecie, u tym liku va Ukrainie. U miežach prajektu pravodziŭsia analiz sutyknieńniaŭ u Maryupali 9 maja 2014 hoda i pošuk miesca zapusku rakiety, što źbiła małazijski «Boinh» 17 červienia 2014 hoda.
Ab abstrełach z terytoryi Rasii nieadnarazova zajaŭlali ŭkrainskija palityki i vajskoŭcy. Rasija admaŭlaje abvinavačańni i kaža ab adsutnaści dakładnych faktaŭ, što paćviardžali by abstreły.
Ciapier čytajuć
Startavała anłajn-apytańnie biełarusaŭ nakont ekanomiki i žyćcia, anansavanaje premjeram Turčynym5
Kamientary