Pra heta paviedamiŭ siońnia na pres-kanfierencyi ŭ Minsku staršynia Dziaržaŭnaha kamiteta pa majomaści Andrej Hajeŭ.
«Hetak zvanych błakitnych fišak u śpisie na pryvatyzacyju vy nie znojdziecie. U śpisie na 2015 hod — zvyčajnyja akcyjaniernyja tavarystvy. Prapanovy vypracavanyja dziaržaŭnymi orhanami pa mahčymaj realizacyi taho ci inšaha pakieta akcyj z metaj pryciahnieńnia inviestara i raźvićcia hetych akcyjaniernych tavarystvaŭ», — skazaŭ Hajeŭ.
Adsutnaść u śpisie takich pradpryjemstvaŭ, pavodle jaho słoŭ, nie aznačaje, što «kali ź`iavicca inviestar dla luboha inšaha akcyjaniernaha tavarystva, hetyja pytańni razhladacca nie buduć».
«Usio budzie vyvučacca, i budzie rychtavacca adpaviednaje rašeńnie», — padkreśliŭ Hajeŭ.
Jon taksama paviedamiŭ, što ŭ pryvatyzacyjny śpis na 2015 hod uvajšli 64 haspadarčyja tavarystvy i čatyry respublikanskija ŭnitarnyja pradpryjemstvy. «Heta płan dla pracy, heta nie dohma. Pa kožnym abjekcie rabota budzie pravodzicca», — skazaŭ kiraŭnik Dziaržkammajomaści.
«Hety śpis słužyć adpraŭnym punktam dla nastupnaj pracy pa pošuku inviestaraŭ. Heta nie vyklučaje raboty i pa astatnich AAT.
Kali budzie znojdzieny inviestar, jaki budzie hatovy ŭkłaści srodki ŭ raźvićcio luboha akcyjaniernaha tavarystva, hetyja pytańni zaŭsiody buduć razhladacca. Heta nie śpisy dziela śpisaŭ, kab potym pa ich rabić spravazdaču. Tym bolš u apošnija hady byli prablemy z realizacyjaj takich płanaŭ», — zaznačyŭ Hajeŭ.
Pavodle jaho słoŭ, kali realizavać płany pa novym śpisie, to možna atrymać minimum 850 młn. dołaraŭ. «Ale dla hetaha treba pryniać rašeńnie, znajści inviestara, realizavać i atrymać hetyja srodki. My budziem pracavać sumiesna ź inšymi dziaržorhanami», — zapeŭniŭ staršynia Dziaržkammajomaści.
Razam z tym jon zaznačyŭ, što na siońnia ŭ dziaržułasnaści zastajecca vialikaja kołkaść pradpryjemstvaŭ — bolš za 2.300 unitarnych i 1.850 AAT, akcyjami jakich vałodaje dziaržava, u 73% ź ich — kantrolnym pakietam.
«Tut my vykarystoŭvajem padychody kiraŭnika dziaržavy. To bok, pryvatyzacyja nosić kropkavy charaktar. Pryvatyzavać možna lubuju majomaść, luboje pradpryjemstva, ale treba padychodzić vybiralna z punktu hledžańnia dziaržavy da pryniaćcia takoha kiraŭnickaha rašeńnia», — skazaŭ Hajeŭ.
