Fota: russian7.ru
Faza małavodździa ŭ basiejnie voziera Bajkał pačałasia z pryniaćcia pastanovy ŭrada RF u 2001 hodzie. Jana ŭstalavała minimalny ŭzrovień vady ŭ 456 mietraŭ, maksimalny — 457 mietraŭ. Da taho ŭsie 110 hod nazirańnia siaredniehadavy prytok vady adpaviadaŭ normie, śćviardžaje RIA Novosti.
Z 2001 hoda prytok vady ŭ basiejnie Bajkału źniziŭsia na 10%, zaklučyli ekśpierty.
Ekśpierty kažuć, što minimalny ŭzrovień vady z pastanaŭleńnia nie maje surjoznaha navukovaha abhruntavańnia. Pastanova dazvoliła ŭdvaja źnizić kiravanaść Irkuckaha vadaschovišča.
Na dumku ekśpiertaŭ, źnižeńnie ŭzroŭniu vady pryviało da paharšeńnia ekałahičnaj situacyi. Abmialčeńnie voziera moža pryvieści da źniknieńnia mnohich unikalnych vidaŭ ryb, zarastańnia bierahoŭ.
Siońnia da krytyčnaj ryski ŭ 456 mietraŭ zastaŭsia 1 santymietr.
Jak paviedamiŭ hałava Hidramietcentru Rasii, uzrovień vady ŭ Bajkale da sakavika moža źnizicca nižej za pryniatuju ŭradam dapuščalnuju adznaku.
***
Bajkał jość adnym z najvialikšych azioraŭ Ziamli, samym hłybokim vozieram Ziamli (1637 mietraŭ). Taksama voziera nazyvajuć samym staražytnym (25 młn hod) i samym raznastajnym pa fłory i faŭnie siarod presnych azior. U 1996 hodzie Bajkał byŭ uklučany ŭ śpis suśvietnaj pryrodnaj spadčyny JUNESKA.
