Muzyka2626

«Lacieła strała»: junaja biełaruska vykanała abradavy śpieŭ na šou «Ja mahu» 

13-hadovaja Patrycyja Śvicina vystupiła ŭ paŭfinale konkursu talentaŭ «Ja mahu» na kanale «Biełaruś-1»

Pieśnia 13-hadovaj Patrycyi ŭziataja z paleskaha abradu «Pachavańnie strały». Salistka folk-hurtu «Rada» vykanała jaje na šou «Biełaruś-1» u sučasnaj aranžyroŭcy. Vakoł jaje studentki BDUKM i junyja śpievaki ź dziciačych hurtoŭ «Rada» dy «Vałoški» paŭtarali tyja dziejańni, što adbyvajucca padčas «Pachavańnia strały», varažyli zamovu. Aranžyroŭku pieśni Patrycyi padaryŭ muzyka Aleh Chamienka.

Patrycyja zajmajecca z vakałam z 5 hadoŭ, pačała ŭ ansambli «Vałoški», pastupiła ŭ muzyčnuju škołu. Tam na zaniatkach pa choru jana sustrełasia z nastaŭnicaj i kampazitaram Irenaj Katvickaj.

Dziaŭčynka nie tolki śpiavaje, ale vyvučaje biełaruskija tradycyjnyja tancy, cikavicca biełaruskaj arnamientykaj i źbiraje narodnyja instrumienty. Asabliva joj padabajecca hrać na akarynie, jakuju jana vykarystoŭvaje i padčas vystupu na «Ja mahu».

Na kastynhu konkursu žury spyniła Patrycyju na pałovie pieśni, uspaminaje maci Patrycyi Alena. U toj momant usie, chto pryjšoŭ jaje padtrymać, padumali: «Usio, nie prajšła». Ale vierdykt byŭ inšy: «Ty nam dakładna pasuješ».

Patrycyja pad čas vystupu na šou «Ja mahu». Fota: Zaryna Kandraćjeva, budzma.by

Za staražytnym abradam «Pachavańnie strały» jana nazirała ŭ vioscy Staŭbun Vietkaŭskaha rajonu: «Tudy pryjechali ludzi i z roznych bakoŭ Biełarusi, i z Rasii, a taksama ź Jeŭropy, — zhadvaje Patrycyja. — Tam babuli pravodzili abrad. Heta nie byli falkłarysty, a prosta nośbity abradu. Tyja, chto zachavaŭ abrad. Ja taksama brała udzieł razam ź imi».

«Pachavańnie strały» prachodzić uviesnu, heta raźvitańnie ź viasnoj i sustreča leta. U abradzie biaruć udzieł tolki žančyny. Jon značyć nie tolki spadzievy na dobry ŭradžaj: sama strała simvalizuje małanku, u niekatorym sensie i ŭsie biedy, a dziaŭčyny kačajucca na ziamli «da pary», «da zdaroŭja».

«Paśla abradu žančyny źbirajuć pa dzieviać kałaskoŭ, potym chavajuć ich pad dach chaty, u vuhał chaty, — zhadvaje Patrycyja. — A potym spalvajuć ich na Troicu. Kałaski źbirajuć, kab advieści biadu ad svajoj chaty, ad siamji. A spalvajuć, bo kali kałasok lažyć pad dacham, jon źbiraje na siabie niaščaści».

Pry padrychtoŭcy da kancertnaha numara Patrycyja vyvučała śpievy i stroi taksama pa knihach. Pryjšłosia navat trapić u muziej Akademii navuk. «Kali znachodzišsia ŭ hetym usim, heta zachaplaje», —pryznajecca jana.

Vystup na šou «Ja mahu». Fota z asabistaha archiva Śvicinych.

Jaje nastaŭnica Irena Katvickaja — mastacki kiraŭnik Akana i dziciačych prajektaŭ «Rada» dy «Viera&Patrycyja», brała ŭdzieł u prajektach «Kazałpin» i «Etna-fantazija». Zajmajecca z sotniaj dziaciej štohod. U 7 hod jaje vučni ŭžo adroźnivajuć śpieŭnyja tradycyi Paleśsia ad Mahiloŭščyny, a starejšyja jeździać vyvučać žyvyja abrady pa Biełarusi i razam z nastaŭnicaj apytvajuć nośbitaŭ tradycyj. «Dziakujučy dźvium «ikonam biełaruskaj falkłarystyki» Zinaidzie Mažejka i Tamary Varfałamiejevaj, a taksama šmatlikim daśledčykam i amataram dy ŭłasnym archivam zachavałasia bahata materyjałaŭ — jak aŭdyjo, tak i apisańnie abradaŭ. Chapaje i materyjałaŭ i dla tvorčaści, i dla dalejšych daśledavańniaŭ», — kaža Irena.

«Kožny hod baču na abradach usio bolš ludziej», — adznačaje Patrycyja. Dy taho nie dastatkova —viedajuć svaju spadčynu daloka nie ŭsie. Navat na konkursie «Ja mahu» inšyja ŭdzielniki pytali, jakoj krainy hetyja stroi — prychodziłasia tłumačyć, što ich krainy».

«Na hety konkurs ja pajšła, bo ludzi nie viedajuć ni svaich tradycyj, ni sapraŭdnych etničnych śpievaŭ, dla čaho jany śpiavalisia, dzie i kali. Nie viedajuć, jakija cikavyja i pryhožyja śpievy zachavała dla ich spadčyna. A ja chaču pakazać hetuju tradycyju ŭ cikavym dla moładzi vyhladzie».

Irena Katvickaja i Patrycyja.

Patrycyja razam z hurtom «Rada», u prajekcie «Viera i Patrycyja», a taksama solna niamała vystupała i ŭ Biełarusi, i za miažoj — jak dla vuzkaha koła amataraŭ falkłornych śpievaŭ, tak i na papularnych fiestyvalach nakštałt «Kamianicy» (na jakoj za štohadovy ŭdzieł atrymała zvańnie «Dzicia Kamianicy»), niaredka pieramahaje na biełaruskich i mižnarodnych konkursach.

Dziaŭčyna adnaznačna choča praciahvać muzyčnuju adukacyju, prahnie vystupać čaściej. «Ja ŭžo daŭno vyrašyła, što žyćcio budu źviazvać z muzykaj — mienavita narodnaj, z falkłoram», — śćviardžaje jana.

Fota z asabistaha archiva Patrycyi.

Sama Patrycyja nie vielmi časta słuchaje muzyku — prosta brakuje času. Ale kali słuchaje — pieravažna narodnyja śpievy albo muzyku z folk-matyvami.

«U jaje ŭsie fłeški zabityja «babulčynymi» śpievami», — śmiajecca jaje maci.

Patrycyi padabajecca słuchać «Pałac», «Troicu», «Stary Olsa», Guda, Kryvi, Akana. Joj adnolkava padabajucca i archaičnyja śpievy, i neafolk. A jaje ŭłasnymi śpievami cikaviacca jaje adnakłaśniki i siabry i, što vielmi pryjemna, ich baćki.

Śpiavačka nie baicca, što ciapierašniaja «moda na biełaruskaść» projdzie. «Dumaju, što hod praź dziesiać mnohim ludziam heta stanie cikava, bo zusim niadaŭna heta pačali pakazvać (pa TB — NN)», — miarkuje Patrycyja. Jana spadziajecca, što ŭ chutkim časie folk u sučasnaj apracoŭcy stanie nie mienš papularnym za estradnuju muzyku. «Jak i ŭ naš čas, tak i sto hod tamu kazali, što tradycyi pamirajuć, chutka ŭsio toje zabuduć — a tradycyi zachoŭvajucca i kultura biełarusaŭ žyvie» – dadaje Irena.

Tut nižej — samarobnaje videa Patrycyi da pieśni «Lacieła strała». Vystup na šou «Ja mahu» budzie adroźnivacca ad jaho prahramaj i kaściumami. Jon budzie pakazany 28 lutaha ŭ 19:15 na kanale «Biełaruś-1». Hledačy šou mohuć brać udzieł u SMS-hałasavańni.

Kamientary26

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9

Čakajecca novy raŭnd pieramovaŭ miž Biełaruśsiu i ZŠA — litoŭski ŚMI

Usie naviny →
Usie naviny

Zialenski i Tramp źbirajucca abmierkavać pastaŭki amierykanskaj zbroi va Ukrainu

Rasijski letni nastup: jak źmianiłasia situacyja va Ukrainie za miesiac u červieni1

Nieviadomyja nazyvajucca žurnalistami žoŭtaj presy i pišuć biełarusam z prapanovaj ustupić u kamandu Siarhieja Cichanoŭskaha16

Stała viadoma pra vyzvaleńnie pres-sakratara A1 Mikałaja Bredzieleva6

Na froncie zahinuŭ namieśnik hałoŭnakamandujučaha VMF Rasii 6

Zaŭtra stanie chaładniej, a ź niadzieli znoŭ horača11

U Pałtavie pakazali nastupstvy ŭdaru pa horadzie

Dźmitryja Łukašenki nie było z baćkam i bratami na adznačeńni 3 Lipienia34

Forvard zbornaj Partuhalii i «Livierpula» Dyjohu Žota zahinuŭ u aŭtakatastrofie praź niekalki dzion paśla svajho viasiella1

bolš čytanych navin
bolš łajkanych navin

Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9

Čakajecca novy raŭnd pieramovaŭ miž Biełaruśsiu i ZŠA — litoŭski ŚMI

Hałoŭnaje
Usie naviny →

Zaŭvaha:

 

 

 

 

Zakryć Paviedamić