Pra heta paviedamiŭ načalnik słužby Biełhidramieta Dźmitryj Rabaŭ.
«U apošnija dni zimy nadvorje budzie prachodzić pa viasnovym scenaryi.
Siaredniaja tempieratura pavietra čakajecca na 6—8 hradusaŭ vyšejšaj za normu, i takoje nadvorje charakterna dla kanca sakavika. U našu krainu budzie pastupać ciopłaje i vilhotnaje pavietra z poŭdnia Jeŭropy», — paviedamiŭ sinoptyk.
U aŭtorak na bolšaj častcy terytoryi apadki (u asnoŭnym doždž). Miescami tuman. Nočču i ranicaj u asobnych rajonach słaby hałalod, na darohach hałalodzica.
Tempieratura pavietra nočču minus 2 — plus 4°S, dniom plus 3—9°S.
U sieradu taksama na bolšaj častcy terytoryi karotkačasovyja apadki, u asnoŭnym doždž. Nočču i ranicaj miescami tuman, słaby hałalod, na darohach hałalodzica. Tempieratura pavietra nočču minus 2 — plus 5°S, dniom plus 2—9°S.
U čaćvier nočču miescami, dniom na bolšaj častcy terytoryi karotkačasovyja apadki (doždž, mokry śnieh). U asobnych rajonach tuman, nočču i ranicaj słaby hałalod, na darohach hałalodzica. Tempieratura pavietra nočču ad minus 4°S pa paŭnočnym uschodzie da plus 4°S pa paŭdniovym zachadzie, dniom plus 1—8°S.
U piatnicu praź Biełaruś budzie prachodzić aktyŭny atmaśfierny front. Jon pryniasie na bolšuju častku terytoryi bolš intensiŭnyja apadki: doždž i mokry śnieh.
U asobnych rajonach tuman, nočču i ranicaj słaby hałalod, na darohach hałalodzica. Tempieratura pavietra nočču minus 3 — plus 3°S, dniom plus 1—8°S.
U vychadnyja dni z rostam atmaśfiernaha cisku apadkaŭ stanie mienš, jany projduć užo miescami ŭ vyhladzie daždžu i mokraha śniehu i buduć nasić karotkačasovy charaktar. U asobnych rajonach nočču i ranicaj tuman, słaby hałalod, na darohach hałalodzica.
Tempieratura pavietra nočču minus 4 — plus 2°S, dniom 0 — plus 7°S.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia18
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary