«Ustanoŭleny ŭsie bajcy roty śpiecpryznačeńnia pałka milicyi śpiecyjalnaha pryznačeńnia «Bierkut», jakija prymali ŭdzieł u rasstrele pratestoŭcaŭ 20 lutaha 2014 h na vulicy Instytuckaj u Kijevie. Tady ad kul śpiecnazaŭcaŭ zahinuli 39 udzielnikaŭ mirnych pratestaŭ, i nie mienš za vosiem čałaviek byli paranienyja», — raspaviali ŭ pres-słužbie Hienprakuratury Ukrainy.
U ramkach rasśledavańnia raniej byli zatrymanyja dvoje bajcoŭ i kamandzir hetaha padraździaleńnia «Bierkuta». Ciapier śledčyja paviedamili pra padazreńni ŭ datyčnaści da hetych padziejaŭ jašče 20 bajcam, dvoje ź jakich užo zatrymanyja, astatnija — abvieščany ŭ vyšuk.
Infarmacyja pra toje, što hetyja bajcy «Bierkuta» datyčnyja da rasstrełu pratestoŭcaŭ na Majdanie, była atrymana pa vynikach bolš za 20 pieratrusaŭ, jakija prajšli ŭ Kijevie i šaści abłaściach Ukrainy.
Padazravanym vystaŭlajuć pieravyšeńnie słužbovych paŭnamoctvaŭ, jakoje paciahnuła ciažkija nastupstvy; ździajśnieńnie pa papiaredniaj zmovie naŭmysnych zabojstvaŭ i zamachaŭ na zabojstvy niekalkich asob, sposabam niebiaśpiečnym dla žyćcia mnohich asob, a taksama stratu tabielnaj zbroi.
