«Siońnia namieśnik pamočnika Dziaržaŭnaha sakratara ZŠA pa spravach Jeŭropy i Jeŭrazii Eryk Rubin sustreŭsia z Prezidentam Łukašenkam. U chodzie sustrečy jany abmierkavali dvuchbakovyja adnosiny Biełarusi i ZŠA, pravy čałavieka i demakratyzacyju, stan biełaruskaj ekanomiki, a taksama pytańni rehijanalnaj biaśpieki, uklučajučy situacyju ŭ Ukrainie. Rubin adznačyŭ pazityŭnuju rolu Biełarusi ŭ pošukach mirnaha vyrašeńnia situacyi va Ukrainie i padkreśliŭ prychilnaść Złučanych Štataŭ suvierenitetu i niezaležnaści ŭsich dziaržaŭ. Jak i na papiaredniaj sustrečy ź ministram zamiežnych spraŭ Makiejem, Rubin abmierkavaŭ mahčymaści pašyreńnia supracoŭnictva ź Biełaruśsiu ŭ pytańniach, što ŭjaŭlajuć uzajemnuju cikavaść. Razam z tym jon padkreśliŭ daŭniuju zaniepakojenaść ZŠA stanam pravoŭ čałavieka i demakratyi ŭ Biełarusi i nieabchodnaść kankretnych krokaŭ dla palapšeńnia situacyi ŭ hetych śfierach, u tym liku ŭ napiaredadni vybaraŭ Prezidenta Biełarusi ŭ 2015 hodzie», — havorycca ŭ paviedamleńni dla presy, raspaŭsiudžanym ambasadaj ZŠA ŭ Minsku.
