Vialikuju datu adśviatkavaŭ Fiodar Daniłavič Klimčuk. 27 lutaha jamu spoŭniłasia 80 hadoŭ. Jaho vinšavali kalehi pa Instytucie movaznaŭstva Akademii navuk, jakomu jon addaŭ doŭhija hady pracy. Pa videasuviazi da hanaravańnia dałučylisia movaznaŭcy z Maskvy.
Fiodar Klimčuk naradziŭsia ŭ vioscy Symanavičy Drahičynskaha rajona. Jon najlepšy ŭ śviecie znaŭca havorak Bieraściejščyny i Pinščyny. A jašče jon unikalny znaŭca falkłoru hetaha rehijonu. Sam viedaje i śpiavaje amal tysiaču piesień, jak «starovynnych», tak i «noviščich».
U navuku jon išoŭ niaprosta. Paśla Pinskaha nastaŭnickaha instytuta pracavaŭ u škołach Stolinskaha i rodnaha rajonaŭ. Pry hetym zavočna vučyŭsia ŭ Minsku. Tolki ŭ 33 hady pastupiŭ u aśpiranturu.
Jamu naležyć vyčarpalnaja praca «Havorki Zachodniaha Paleśsia: Fanietyčny narys». Razam ź inšymi movaznaŭcami jon byŭ uhanaravany Dziaržaŭnaj premijaj Biełarusi 2000 hoda ŭ halinie humanitarnych i sacyjalnych navuk za fundamientalny šmattamovy «Leksičny atłas biełaruskich narodnych havorak».
Kamientary