Śledčy kamitet Rasii patrabuje aryštavać pieciarych fihurantaŭ pa spravie ab zabojstvie Barysa Niamcova. Pra heta ŭ svaim Twitter napisaŭ aficyjny pradstaŭnik viedamstva Uładzimir Markin.
Raniej paviedamlałasia ab zatrymańni čaćviarych padazravanych. Nijakaj infarmacyi pra piataha fihuranta spravy niama.
Z aficyjnych krynic viadomyja imiony dvaich zatrymanych. Jak paviedamiŭ napiaredadni kiraŭnik FSB Alaksandr Bortnikaŭ, Zaŭra Dadajeva i Anzora Hubašava zatrymali ŭ noč na subotu. Paźniej stała viadoma, što Dadajeŭ źjaŭlajecca namieśnikam kamandzira pałka bataljona «Poŭnač» MUS Čačni. Uviečary ŭ subotu sakratar Savieta biaśpieki Inhušecii Albiert Barachojeŭ raspavioŭ ab zatrymańni jašče dvaich mierkavanych saŭdzielnikaŭ zabojstva. Adzin ź ich - małodšy brat Hubašava.
Krynica «Interfaksa» ranicaj u niadzielu paviedamiła, što jašče adnaho padazravanaha sprabavali zatrymać u Hroznym, ale mužčyna padarvaŭsia na hranacie. Telekanał LifeNews śćviardžaje, što imia zahinułaha — Biesłan Šavanaŭ.
