Zeit
Kancler Hiermanii Anhieła Mierkiel vyrašyła admovicca ad pryjezdu ŭ Maskvu na parad, pryśviečany siamidziesiacihodździe Pieramohi ŭ Vialikaj Ajčynnaj vajnie, piša ŭ sieradu, 11 sakavika, niamieckaja hazieta Zeit, spasyłajučysia na blizkija da kanclera krynicy.
Pa słovach krynicy vydańnia, Mierkiel pryniała rašeńnie nie jechać u Maskvu na parad niekalki dzion tamu. Admova ad pryniaćcia ŭdziełu ŭ mierapryjemstvie zdaryŭsia na fonie kanfliktu na ŭschodzie Ukrainy i roli Rasii ŭ im.
«Kali b Mierkiel ŭsio ž pryjechała ŭ Maskvu na 9 maja, to heta abraziła b urad Ukrainy», - piša hazieta.
Anhieła Mierkiel pahadziłasia prybyć u Maskvu 10 maja, kab paźbiehnuć skandału. Razam z prezidentam Rasii Uładzimiram Pucinym jana ŭskładzie kvietki da mahiły Nieviadomaha sałdata.
Apošni raz Mierkiel była ŭ Maskvie na Paradzie Pieramohi ŭ 2010 hodzie. Raniej svoj udzieł, pa słovach kiraŭnika MZS Siarhieja Łaŭrova, paćvierdzili 20 zamiežnych lidaraŭ, siarod jakich i lidar KNDR Kim Čen Yn.
