Ekspart kampanij-rezidentaŭ Parku vysokich technałohij za 2014 hod skłaŭ 585,2 młn dalaraŭ, paviedamlaje TUT.BY sa spasyłkaj na dyrektara Administracyi PVT Valera Capkału.
Vyniki pa eksparcie na 131% bolšyja za 2013 hod. Na ŭnutranym rynku abjom vyručki ŭ 2014 hodzie skłaŭ 839,1 młrd biełaruskich rubloŭ, što na 116,6% bolš za 2013 hod.
Na dolu ekspartu ŭ ahulnym abjomie vytvorčaści PVT prychodzicca 88%. 43,5% ekspartu prychodzicca na Zachodniuju Jeŭropu, 40,1% — na ZŠA, 14,4% — na krainy SND. U 2014 hodzie ŭpieršyniu zafiksavany ekspart u Indaneziju, Iardaniju i Daminikanskuju respubliku.
Suśvietny rost IT-industryi ŭ 2014 hodzie skłaŭ 3-5%, u Biełarusi ža — kala 30%.
U 2014 hodzie PVT pryvabiŭ 34,3 młn dalaraŭ pramych inviestycyj na pryvatnaj asnovie. U Parku adkryli svaje centry raspracovak karejskaja Hynix Semiconductor (raniej viadomaja jak Hyundai Electronics), japonskaja Rakuten (ciapierašni ŭładalnik Viber), amierykanskaja IAC.
Sa 137 rezidentaŭ PVT 58 kampanij zasnavanyja biełaruskimi inviestarami, 46 — zamiežnymi, astatnija jość supolnymi arhanizacyjami. Najbujniejšyja eksparciory PVT — EPAM, «Hiejm Strym» (Wargaming), ITransition, IBA i Exadel.
Čytajcie taksama: PVT častkova adstajaŭ padatkovyja lhoty
