U sieradu viečaram na płoščy kala čyhunačnaha vakzała rasijskaha Jekaciarynburha svajaki i siabry praviali bajcoŭ, jakija adpraŭlajucca na paŭdniovy ŭschod Ukrainy, paviedamlaje sajt 66.ru
Rota sfarmavanaja Uładzimiram Jafremavym pad ehidaj Fondu vieteranaŭ śpiecnaza. Joj treba budzie ŭlicca ŭ adzin z bataljonaŭ bryhady «Pryvid» sumnaviadomaha palavoha kamandzira z «ŁNR» Alaksieja Mazhavoha. U składzie jekaciarynburhskaha dobraachvotnickaha padraździaleńnia ŭ asnoŭnym ludzi, jakija prajšli vajskovuju słužbu. Mnohija majuć bajavy dośvied, piša 66.ru
Pierad pasadkaj u ciahnik dobraachvotniki vykanali stary kazačy abrad, jaki naležyć ažyćciaŭlać pierad adpraŭkaj na vajnu.
Pieršapačatkova mierkavałasia, što sam kamandzir roty Uładzimir Jafimaŭ vierniecca ŭ Jekaciarynburh ŭžo praź miesiac, a jaho bajcy buduć sami vyrašać — jechać dadomu abo dałučycca da inšych padraździaleńniaŭ DNR. Ale ciapier płany kamandzira źmianilisia i ciapier jon navat prykładna nie zmoh nazvać terminy viartańnia.
Uralskija dobraachvotniki vykonvajuć taniec vajny
