Čakany ŭzrovień kampiensacyi nasielnictvam Biełarusi zatrat na akazańnie žyllova‑kamunalnych pasłuh u biahučym hodzie dasiahnie 34 pracentaŭ. Heta pierasiahnie ŭzrovień 2007 hoda na 1,6 pracentaha punkta, paviedamili karespandentu BIEŁTA u Ministerstvie žyllova‑kamunalnaj haspadarki Biełarusi.
U 2006 hodzie biełarusy kampiensavali 40,6 pracenta zatrat na pasłuhi ŽKH. Źnižeńnie hetaha ŭzroŭniu ŭ 2007 hodzie ŭ Minžyłkamhasie tłumačać rostam cen na enierhanośbity.
Uzrovień kampiensacyi zatrat pa asobnych vidach žyllova‑kamunalnych pasłuh nieadnolkavy. Płanujecca, što samy vysoki ŭzrovień kampiensacyi zatrat — 44,6 pracenta — u 2008 hodzie budzie dasiahnuty pry apłacie vyvazu i abiasškodžvańnia ćviordych bytavych adchodaŭ (u 2007 hodzie jon składaŭ 46,6 pracenta). Pa chałodnamu vodazabieśpiačeńniu hety pakazčyk składzie 42,9 pracenta (37,6 pracenta), techničnamu absłuhoŭvańniu žyłych damoŭ — 41,4 pracenta (41,1 pracenta), kanalizacyi — 36 pracentaŭ (22,8 pracenta), karystańniu liftami — 33,7 pracenta (38,1 pracenta), ciepłavoj enierhijaj dla patreb aciapleńnia i haračaha vodazabieśpiačeńnia — 30,2 pracenta (29,9 pracenta).
Pry pavyšeńni taryfaŭ na asobnyja vidy žyllova‑kamunalnych pasłuh z 1 studzienia biahučaha hoda siarod inšych faktaraŭ uličvaŭsia i ŭzrovień kampiensacyi nasielnictvam zatrat na ich akazańnie. U pryvatnaści, heta datyčycca taryfu na kanalizacyju, jaki pavialičyŭsia ŭ paraŭnańni z 2007 hodam na 65 pracentaŭ.
Jak adznačyli śpiecyjalisty ministerstva, zhodna z kancepcyjaj raźvićcia žyllova‑kamunalnaj haspadarki Biełarusi da 2015 hoda płanujecca vyjści na stopracentny ŭzrovień apłaty nasielnictvam pasłuh ŽKH. Taryfy na žyllova‑kamunalnyja pasłuhi mianiajucca nie tolki ŭ zaležnaści ad źmianieńnia materyjalnych zatrat, u tym liku i enierharesursaŭ, ale i ŭviazvajucca z rostam dachodaŭ nasielnictva. Tamu stopracentny ŭzrovień kampiensacyi zatrat da vyznačanaha terminu pavinien być zabiaśpiečany adpaviednym rostam dabrabytu biełarusaŭ.
Z 1 studzienia 2008 hoda taryf na pasłuhi pa techničnamu absłuhoŭvańniu žyłych damoŭ pavialičany na 6 pracentaŭ da Br240,3 u miesiac za 1 kv.m ahulnaj płoščy žyłoha pamiaškańnia. Cana na ciepłavuju enierhiju dla patreb aciapleńnia i haračaha vodazabieśpiačeńnia zachavana na raniejšym uzroŭni i składzie Br36 355,5 za 1 Hkał. Taryfy na chałodnaje vodazabieśpiačeńnie ŭstanoŭleny na ŭzroŭni Br321,4 za 1 kub.m (rost na 25 pracentaŭ), na kanalizacyju — Br201,6 za 1 kub.m (rost na 65 pracentaŭ). Płata za vyvaz i abiasškodžvańnie ćviordych bytavych adchodaŭ pavialičana na 6 pracentaŭ i składzie Br4005,2 za 1 kub.m, za karystańnie liftami — taksama na 6 pracentaŭ da Br1184 z adnaho pražyvajučaha ŭ miesiac. U cełym pavieličeńnie taryfaŭ na pasłuhi ŽKH z 1 studzienia nie pierasiahnuła $5.
